بين الثراء والبادية

الحلقة 15

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 15
• مشات يامنة وزينة باش يقادوا لبيت لي غادين يبركوا فيه ، بداو كيسوسوا فالمخاد ويستفوهم بجوج وغيمة حاضياهم من بعيد ، بعد مدة قصيرة لي دامت لثواني حسات بالإحراج ومشات حتا حيا حطات يديها معاهم رغم انها مكتعرف دير حتا حاجة...

يامنة [ضارت كتشوف فغيمة وهيا كتسوس فالمخدة] : غيمة غير خلي حنا غادين نقادوا هنا [شافت فزينة لي كانت كتمسح فالميدة] سيري جيبي شطابة
غيمة [حطت المخدة] : غير خليها انا نمشي نجيبها
يامنة : واخا لي بان ليك

• خرجات من البيت وهيا كضور فعينيها كتقلب على الشطابة حتا شافتها خديجة لي كانت هازة طبسيل لي فيه ديسير غادة بيه للبيت...

خديجة : بنتي غيمة مالك
غيمة : بغيت شطابة فين كينة
خديجة : راه كينة محطوطة فالكشينة كنت شطبت بيها وبقات تم
غيمة : اه واخا انا نمشي نجيبها ليهم

• مشات لكشينة وهزتها وداتها ليهم ، كانوا قادوا لمخاد فالبلاصتهم وخديجة حطات طبسيل فوق لحيط تاع لبيت حتا يشطبوا...

زينة : عطيني شطابة نشطب
غيمة : اه هاكي

• شطبات زينة لبيت وحطوا المائدة فالبلاصتها من بعد خرجات خديدة عند بوشعيب لي كان بارك برى...

خديجة : نوض هز لينا القصرية ابوشعيب
بوشعيب : اه واخا

• مشا هز بوشعيب لقصرية وحطها فوق طبلة اما البنات فمشاو للكشينة وقادوها وحطوا القصرية وبركوا ، بعد مدة قصيرة سمعوا صوت رجال داخلين...

خديجة : نوضي ايامنة بنتي عطيهم يغسلوا
يامنة : واخا ايِّما

• مشات هزات طاسة تاع الماء ودخلاتها ليهم للبيت ، لقاتهم مجموعين كلهم وباركين ، عطاتهم يغسلوا من بعد خرجات وخلاتهم...

خديجة [لي كانت كتاكل] : زيدي ابنتي تاكلي [شافت فغيمة لي مكتاكلش] غيمة بنتي كولي مالكي مكتاكليش
غيمة : مكنعرفش ناكل بيدي
خديجة [شافت فيامنة] : مدي ليها معلقة تاكل بيها

• عطاتها معلقة من بعد بركت حداهم كتاكل وسط ضحك ونقشاب تاع خديجة معاهم...

   ▪︎ عند رجال لي كانوا باركين كياكلوا حتا هضر بوشعيب وهوا كاسر داك صمت لي كان بيناتهم...

بوشعيب : ولدي لهاشمي مزال مبغيتي تكمل دينك
لهاشمي : ان شاء الله يكون خير
بوشعيب : شوف عزيز صغر منك وها هوا مبقى ليه والو ويدير العرس
لهاشمي : الله يكمل عليه بالخير
بوشعيب : ايه ونتا مزال مبغيتي زعما تفرحنا
لهاشمي : وغير مزال ملقينا وصافي
بوشعيب : اويلي لبنات عطاهم الله ونتا كتقول هاكا [شاف فيه وضحك] ولا بغيتي باك يقلب ليك مرحبا نشوف ليك زينة البنات
لهاشمي [وهوا كيضحك] : قول راك لقيتي ماشي يله باغي تقلب
بوشعيب : ماشي انا خديجة لي لقات ليك
لهاشمي : ويكون خير

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎