بين الثراء والبادية

الحلقة 75

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 75
• مشات بركات حدا نورة وهيا كتعاون فيها وفينما تعجبها شي حاجة تعبرها على راسها عاد طويها ، بعد مدة كانت خديجة وسميرة كملوا ليها كلشي ووجدوه وجبدوا ليها القفطان بيض لي شرات ولبسوه ليها وخلاوها تقاد فراسها معا البنات لي لبسوا حتا هوما قفاطنهم ونزلوا وخلاوهم...

يامنة : غادة تخلي شعرك هاكا مطلوق
غيمة [وهيا كتشوف فيها من المرآيا] : اه غادي تخليه هاكا مطلوق
نورة : يفضل تغطيه
غيمة : وراه اصلا مكين حتا واحد
نورة : انا كنقول رأي تاعي تجمعي شعرك وتغطيه
يامنة [عطاتها شال بيض] : هانتي على الأقل حطي غير هذا على راسك
غيمة [خداتوا من عندها] : واخا انا نديروا

• حطاتوا على راسها من بعد نزلات لتحت معا لبنات ، لقاو خديجة وسميرة داروا سينية وعمروها بالحليب وتمر وحطوا الحلوة لي جابوا معاهم وعمروا ديك طبلة باش قسم الله...

خديجة [وهيا هازة فيدها جبانية تاع الحنة] : تبارك الله على بناتي جيتوا زوينين
سميرة [كتقاد فالبلاصة لي غادة تبرك فيها غيمة] : تعالي بركي ابنتي باش نحنيو ليك
غيمة : لا انا مكتعجبنيش الحنة
خديجة : لا راك عروسة ضروري خاصك تحني
غيمة : لا اخالتي راه مكيعجبنيش غير بلاش
سميرة : وغير بركي ديري غير شوية فيدك على الأقل
خديجة : ايه بركي ديري غا الباروك

• مشات بركات وداروا ليها خمسة تاع دوارات فكل يد من بعد داروا لنورة ويامنة دوارة فيديهم وداروا حتا ليهم هوما ، من بعد بركوا حداهم حتا شافوا سعيد داخل وهوا هاز شلا تقدية فيديه...

سعيد [حطهم فالأرض] : هاكي اخديجة حطي هدشي او ها رجال شوية ويدخلوا
خديجة [ناضت غادة عندوا] : اه واخا اخويا

• خرج سعيد لعند رجال برى ودخلت زينة لي كان صيفطها لهاشمي باش دخل ، مشات بركات حدا البنات ودارت شوية تاع الحنة فيديها اما سميرة وخديجة مسحوها من يديهم ومشاو حطوا دكشي لي جاب سعيد فطباسل...

• بعد مدة زمنية قصيرة دخل سعيد والعدول وبوشعيب لي كان فجنبوا عزيز ومن وراهم كان داخل لهاشمي لي غير هز عينوا وشاف فغيمة شنو لابسة وكيفاش شعرها كيبان نزل عينيه الأرض ونعل شيطان...

• مشا سعيد برك حدا غيمة وجا برك حداه لعدول لي من جية ليسار تاعوا برك حدا بوشعيب ولهاشمي ، خدا لكارطات وبقا كيكتب فالأسماء تاعهم وبعد مدة شاف فالأزواج بجوج فوجههم عاد نطق...

العدول : غيمة بنت سعيد واش نتي موافقة تزوجي بلهاشمي ولد حسن كزوج ليك وتكوني معاه فالحلوة والمرة
غيمة [هزات ليه راسها بأه وهضرت بصوت منخافض] : اه موافقة
العدول : لهاشمي ولد حسن واش نتا موافق تزوج بغيمة بنت سعيد كزوجة ليك وتكون معاها فالحلوة والمرة

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎