بين الثراء والبادية

الحلقة 84

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 84
• دخل ومسح يديه فواحد الفوطة معلقة تم من بعد مشا برك حداها وبدا كياكل حسات حس بيها بلي مكتاكلش عاد هز راسوا وشاف فيها...

لهاشمي : علاش مكتاكليش
غيمة [حطات طرف تاع الخبز لي فيدها] : غير مفياش جوج دكشي باش
لهاشمي [وهوا كيضحك] : وشنو لي فيك
غيمة : فيا نعاس صراحة
لهاشمي : سيري دخلي رتاحي ليك ونعسي
غيمة [هزات عينينها فيه بزربة] : ندخل نعس بصح
لهاشمي [بدا كيضحك من طريقة باش قالتها] : عادي راه دار دارك وتقدري ديري فيها لي بغيتي
غيمة [جمعت الوقفة ووقفت بزربة] : شكرا وبصحتك وسمح ليا مبقيتش باركة حتا كليتي
لهاشمي : لا هانية اهم حاجة هيا راحتك
غيمة [بإبتسامة] : شكرا

• مشات دخلات للبيت وتلاحت فوق ناموسية وهيا كتحس بواحد العيا وعظامها مقسمين عليها ، غير حطات راسها على المخدة ونعسات فالبلاصة اما لهاشمي فتبعها حتا مشات من بعد برك كياكل وهوا كيفكر فيها ومرة مرة كيضحك فاش كيتفكر شي تصرف دارتوا... بعدما كمل هز الماكلة لي شاطت ورجعها لبلاصتها ومشا غسل يديه ودخل للبيت...

• دخل بشوية باش ميفقهاش ، قرب لحداها وهوا كيشوف فيها كيفاش ناعسة ، قرب لراسها وحط يدوا على شعرها ومبتاسم من بعد شاف فجسدها لي ممخطيش والبرد تحرك شوية ، مشات جبد مانطة من الماريو وغطاها بعدما مسح ليها على راسها...

• قرب للماريو وجبد حويجوا ولبسهم ومشا للبيت لي حدا لبيت تاعوا ونعس بعدما بغا ينعس حداها ولكن بانت ليها شادة ناموسية طولها على عرضها...

        •"بعــد مــدة زمنيـــة"•

   ▪︎عند غيمة لي بدات كتحل عينيها وهيا كتكسل ، هزا عينها فشرجم لي بان ليها كلوا مظلم ومن تم ستنتجات بلي راها نعسات بزاف ، ناضت بركات فوق ناموسية وهيا كتقاد فشعرها من بعد ناضت خرجات من البيت وهيا كتقلب بعينيها على لهاشمي ولكن ملقاتوش ، مشات غسلات وجهها ودخلات للكوزينة كتقلب على متاكل ، سخنات المرقة لي كانت بقات وحطات ليها ومشات بركت تاكل...

• كملات ماكلتها ومشات حطات طبسيل وغسلات يدها وهيا كتفكر بينها وبين راسها فين يكون مشا وخلاها ، دخلات للبيت عندها قلبات فحويجها على تليفونها وشارجور ومشات دارت تليفونها يتشارجا باش تهضر معا باباها حتا كتسمع صوت الباب كيتحل مشات كتجري وقفت وهيا حاطة يديها على نصها...

غيمة : فين كنتي انا غير نعست ونتا مشيتي خرجتي وخليتيني زعما حنا راه يله مزوجين عندمن كنتي
لهاشمي [حط سوارت فوق طبلة وقرب لعندها كيشوف ليها فعينيها] : شكون غطاك وانا عارف بلي يله تزوجنا ولكن كون كنتي دايراها فبالك كون خليتي ليا بلاصة حداك ماشي شديتي ناموسية طول وعرض وملقيت فين نعس
غيمة [وهيا كتقاد فشعرها بتوتر] : مقصدتش
لهاشمي [لاح ليها خصلة من شعرها ورى ظهرها] : كليتي ولا مزال
غيمة [سرطت ريقها بتوتر] : لا كليت
لهاشمي : بصحتك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎