بين الثراء والبادية

البارت 44

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 44
• خرجاتهم وسدات عليهم الباب ، مشاو دخلوا للبيت فين غادين ينعسوا وفرشوا بلاصتهم وتغطاو وبركوا كيشوفوا فبعضياتهم...

يامنة : قولي ليا مالك قبيلا فاش كنتي كتفكري ؟!
غيمة [تنهدت وشافت فيها] : غير فهضرت بابا وصافي
يامنة : مالوا شنو قالك
غيمة : بغاني نوافق على زواج
يامنة [بعدم فهم] : اشمن زواج
غيمة : نتي معارفة والو على هدشي
يامنة : لا شرحي ليا كتر
غيمة : قبيلا فاش خرجت معا بابا قاليا بلي بغاني نوافق على زواجي من خو زينة
يامنة : لهاشمي خويا ؟!
غيمة [هزت راسها بأه] : اه هوا
يامنة [تلاحت عليها معنقاها وهيا فرحانة] : مبروك عليكم والله حتا فرحت ليكم بزاف [بعدت عليها وهيا كتشوف فيها] غادة تولي مرت خويا ناري شحال انا فرحانة
غيمة [بادلتها بإبتسامة لي كتحاول تصطانع بيها سعادة] : الله يبارك فيك

   ▪︎ برى عند خديجة لي كانت كملات شغل فالكشينة وتمات غادة خارجة منها حتا تلاقات معا سعيد لي جاي داخل...

سعيد : خديجة
خديجة [ضارت لعندوا] : نعام
سعيد : صافي راه غيمة موافقة على زواج راني هضرت معاها ووافقات
خديجة [بإبتسامة] : مبروك والله حتا فرحت اوا صافي غدا نقولها للهاشمي
سعيد : غير خلي حتا نقولها ليه انا
خديجة : صافي واخا

• مشا سعيد لبلاصتوا لي كانت مفرشة وتكا نعس وحتا خديجة دخلات للبيت وتكات وبعد مدة قصيرة دخل بوشعيب وهزيز وكل واحد منهم مشا للبيت تاعوا...

   ▪︎ اما عند غيمة لي كانت بعدما هضرت معا يامنة شوية مشات تخشات فبلاصتها وبقات كتفكر فهدشي لي طاري...

• كتحس بالندم شديد على شنو ضيعات من يديها مني كانت باقا عيشة فدارهم وعارفة بلي الندم دابا معندوا بشنو ينفعها حيت دابا خاصها تحاول تعاون الأب تاعها واخا غير توافق على زواجها بشخص لي ختاروا ليها باش تخفف لمصاريف تاعهم...

• بقات كتبكي وهيا كتفكر فالماضي تاعها مني كانت الأم تاعها باقا عيشة وكيفاش كانت سعيدة معاها ، رغم تضحيات لكتار لي دار الأب تاعها الى وانها مفتاقدة حنان الأم تاعها ، بعد مدة طويلة من البكاء تاعها وتفكيرها فالماضي واخيرا نعسات...

        •"أصبحنا وأصبح الملك لله"•

• عند خديجة لي كانت واقفة قدام الباب معا رجال لي كيتسناو لهاشمي لي جاب زينة لعندهم لدار يكمل الهضرة معا خديجة...

خديجة [وهيا كتأكد عليه هضرتها] : وصافي جي تغدا مال راسك قاصح
زينة : قولي ليه يجي راه فدار انا مطيبت والو
خديجة : صافي قلت ليك جي تغدا هيا جي تغدا
لهاشمي : صافي واخا دابا نجي معاهم
بوشعيب : الى تفاهمتزا زيد خلاص خلينا نمشيو
لهاشمي : يله الله يعاون وزينة ديري عقلك منلقاكش خارجة لشي قنتة
خديجة : صافي غير سير كون هاني

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎