بين الثراء والبادية

الحلقة 5

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 5
▪︎كانت حاطة راسها على زاج تاع طموبيل وهيا حاضية طريق لي كلها مظلمة وغاطسة وسط افكارها...

            •"فـــــلاش بـــــاك"•

• تم داخل للڤيلا وهيا تابعاه من وراه وكتجري ، كتحاول توقفوا باش تهضر معاه ، بقات تابعاه حتا وقفتهم نزهة لي كانت خارجة من الكوزينة...

نزهة : مالكم يكما كين باس
سعيد : جمعي ليا حويجي راه صافي غادين نمشيو من هنا

• قال كلاموا وتحرك غادي داخل لصالون ومخليهم بجوج كيشوفوا فبعضياتهم...

غيمة : متجمعي والو ادادة صافي [دخلات عندوا لصالون] بابي حبيبي شنو واقع علاش خاصنا نمشيو لتم
سعيد [هز عينوا فيها بملامح باردة] : لبنكة تسلفت منها فلوس كتيرة ومغاديش نقدر نرجعهم ليها دكشي باش غادين يحجزوا على الممتلكات لي عندي كلهم
غيمة [مشات بركت حداه وشدت ليه فيدوا] : هانتا غادي نتاصل بقاع لي كنعرف ونحاول نشوف واش يقدروا يساعدونا صافي
سعيد : لا متهضري معا حتا حد حيت اصلا حتا حد مغادي يساعدك
غيمة : لا راني عزيزة عليهم والله يعني غادي يساعوني

• طول فيها شوفة وتكا راسوا على الوسادة مغمض عينيه كأنه كيقوليها ديري لي بغيتي...

• طلعات كتجري للبيت عندها كتقلب على تليفونها باش تاصل بناس لي كتعرف ، هزات تليفون من فوق الطابلة ودوزات الخط...

نورهان : اهلا زين كيف بقيتي بخير
غيمة : حمد الله [بتوتر كبير] نورهان واخا نطلب منك واحد طلب
نورهان : اه مرحبا
غيمة [وهيا كتحك الفروة تاع راسها نتيجة توترها زايد] : شوفي واش تقدري تهضري معا باباك وضمنينا باش يسلفنا واحد نسبة تاع الفلوس حيت راه بابا

• قبل متكمل كلامها ليها تكلمت نورهان وهيا مقاطعة هضرتها وكدخل وتخرج فالهضرة...

نورهان : منقدرش والله بابا يله دار واحد المشروع وخسر عليه فلوس كتيرة
غيمة [والغصة فحلقها] : اوك ماشي مشكيل وشكرا

• قطعات معاها وبركت فوق ناموسية وهيا كتحس بدموعها على طرف جفنها ، شدات على راسها بيديها بجوج وهيا كتفكر لمن تتاصل...

غيمة [كتسائل بينها وبين راسها] : نصوني لشي حد ؟! ولكن الى طرى ليا بحال دابا ؟! [وقفت وهيا كتنفض افكارها] لا اغيمة دابا نساي كرامتك خاصك تساعدي باباك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎