Pinakatatagong Lihim (COMPLETED)

5

NANG makarating sa The Medical City, kaagad na pinuntahan ni Archie ang floor kung saan naroroon ang silid na naka-admit si Cyndi. Tiyempong nasa hallway si Riz at inaabangan ang pagdating niya.

"Kamusta na si Cyndi?" Tanong ni Archie habang naglalakad papunta sa kuwarto kung saan naka-assign ang dalaga.

"She's awake. Kasama siya si Tom sa room. Sabi sa amin ng attending physician niya buti daw hindi napuruhan yung main artery sa pulso niya kaya they were able to control the bleeding. Malamang kinabahan 'yung lukaret na yun sa ginagawa niya kaya hindi fatal 'yung nagawa niyang hiwa." Pagkukuwento ni Riz habang sinasabayan ang paglalakad ni Archie.

"Ano ba kasing pinakain mong gayuma kay Cyndi at ganu'n na lang ang pagka-obsess sa 'yo?" Usisa ni Riz nang malapit na sila kuwartong sadya.

Tumikhim lang si Archie bilang tugon. Seryoso na seryoso ang hitsura.

Malapit na sila sa pintuan ng silid nang biglang lumabas mula roon si Tom at nakita agad sina Archie at Riz. Nagdilim agad ang mukha nito.

"Ano'ng ginagawa niyan dito?" Magkasalubong ang kilay na tanong ng kuya ni Cyndi.

Magkasabay na sumagot sina Archie at Riz.

"I want to see her."

"Minessage ko siya tungkol sa nangyari kay Cyndi."

Humakbang palapit si Tom at marahas na tinulak si Archie. "Hindi mo puwedeng makita kapatid ko! Gago ka!"

Hindi naman nagpatinag si Archie. "Gusto ko siyang makita, Tom. At hindi ako magpapapigil sa 'yo."

"Tangina mo ka!" Nanggigigil na sabi ni Tom. "Ikaw ang rason kung bakit nandito sa ospital ngayon si Cyndi! Iyak ng iyak 'yan nang umuwi sa condo, akala mo? Hindi mo makausap ng maayos! Buti na lang du'n ako sa place niya ngayon nag-i-stay. Paano kung wala ako du'n at natuloy siya sa binabalak niyang gawin? Baka napatay na rin kitang hayop ka!" Pinilit hablutin ni Tom si Archie pero napigil siya ni Riz.

"Isa ka pa!" Itinulak din ni Tom si Riz. "What the fuck were you thinking para dalhin mo ang tarantadong yan dito? Ano'ng gusto n'yong palabasin?"

"Tom, will you listen for a sec!" Lumakas na rin ang boses ni Riz. "Your sister asked me to message this guy," sabay turo kay Archie, "to come here. Gusto niyang mag-usap silang dalawa. Now, kung papairalin mo yung shit-ass mong feelings para mataboy si Archie, do you think maa-appreciate 'yun ni Cyndi?"

Malalim na huminga at napahawak sa ulo si Tom na parang may nilalabanan sa sarili. Saka bigla itong mabilis na lumakad palayo sa kanila.

Pareho napasunod ng tingin kay Tom sina Archie at Riz. "Hayaan mo 'yun. Magyoyosi lang 'yun. Pampakalma." Saka tinapik ni Riz si Archie sa braso. "Puntahan mo na si Cyndi. Hinihintay ka na nu'n."