GAYA ng inaasahan, hindi iilan ang mga estudyante ang tumitingin sa kanya habang naglalakad siya sa campus. May mga nagbubulungan kapag nakikita siya. May mga umiirap pag nakakasalubong siya. May mga lalaking may halong pagnanasa kung makatingin. May narinig pa siyang pumuswit. Halos magtatakbo siya patungo sa kanyang classroom at nakahalukipkip ang bag at mga dalang books sa harap niya na parang nais ikubli ang katawan niya bagamat may suot-suot naman siyang damit.
Wala ring ipinagkaiba ang sitwasyon sa loob ng klase niya. Pagkapasok pa lang niya sa classroom for English Lit, nakita niyang marami sa mga kaklase ang napatingin sa kanya at nagbubulungan. Pinili niyang umupo sa sulok sa bandang likuran malapit sa bintana at iginawi niya ang tingin sa labas. Sa mga sandaling iyon, nais na niyang lumubog sa kinauupuan.
BINABASA MO ANG
Pinakatatagong Lihim (COMPLETED)
RomanceLihim na itinatangi ni Nadine ang popular heartthrob na college jock at star basketball player sa school nila na si Archie. Ngunit meron nang nobya si Archie, ang equally popular na student babe na si Cyndi. Pero hindi lang iyon ang problema ni Nadi...
