Pinakatatagong Lihim (COMPLETED)

16

NASA Greenbelt sina Archie at Dennis, nagyaya kasi si Nathan na manuod ng last instalment ng Harry Potter and The Deathly Hallows movie adaptation. Kahit malaking lalaki at mukhang brusko, di mo aakalaing Potterhead pala si Nathan. Pumayag na rin sina Archie at Dennis. Pagkatapos kasi nilang manuod ng sine, plano ni Archie na bumili ng kaka-release na Kobe Bryant shoes at si Dennis naman ay bibili ng bagong raketa ng tennis at nasira na ang ginagamit niya.

Pero sa tagal ni Nathan, naisipan nilang bumili muna ng froyo sa White Hat habang naghihintay.

"Kamusta 'yung nasuntok sa 'yo nung kuya ni Cyndi?" Tanong ni Dennis habang kinukuha nila ni Archie ang order nilang froyo.

Ismid lang ang sinagot ni Archie pero awtomatikong napahawak sa gilid ng labi niyang nasuntok ni Tom. Hindi na masyadong halata ang pangingitim nito. "Pag nakita ko 'yun, gaganti ako. Uupakan ko rin sya."

"Pero eto talaga ang seryosong tanong ko, pare." Sabi ni Dennis nang makaupo na sila sa seats na malapit sa counter. "Sino ba talaga kina Cyndi at Nadine ang gusto mo?"

Halos mabuga ni Archie ang kinakain sa tanong ni Dennis. "Ano ba namang tanong 'yan?" Sabay punas ng tissue sa bibig.

"Kita mo na? Ang simple nung tanong, hindi mo masagot." Akusa ni Dennis.

"Dahil hindi ko naman kailangang sagutin." Diretsang sabi ni Archie. "Cyndi is already out of the picture. Ayaw na niya akong kausapin. Si Nadine." Sandaling walang masabi si Archie at napailing na lang. "What happened between us is a big mistake."

"Pero hindi mo gusto?" Pangungulit ni Dennis.

"Basta. Ayoko na 'yung pag-usapan." Gusto nang tapusin ni Archie ang usapan.

"Nadine is also a victim on this whole mess, you know?" Sumundot pa si Dennis.

"I know." Mahinang pag-agree ni Archie. "Pero ang gulo. With the viral video tapos nagalit pa sa akin si Cyndi. I can't think straight, man. I can't."

Saglit natigil si Dennis sa pagkain. "Pare, magtago ka kaya muna."

"Bakit?" Kunot-noong tanong ni Archie saka sinundan ng tingin ang tinitingan ni Dennis.

Dahil open space ang froyo cafe, kitang-kita nila si Cyndi kasamang naglalakad ang foreigner guy na si Shaun. Kasama nilang naglalakad si Oreo na ang leash na suot ay hawak pa ni Shaun. Saglit na tumigil pa si Shaun sa paglalakad at kinarga si Oreo na parang bata.

Saglit na napatingin sa kanila si Cyndi. Sumeryoso ang mga tingin nito at niyaya agad si Shaun palayo sa kanila.

Napahawak na lang si Archie sa ulo na parang bigla itong sumakit. "Fuck! I hate my life."

Saka naman biglang dumating si Nathan. "Guys, I'm here!"

Natitigilang napatingin sina Dennis at Archie kay Nathan. Naisipan pa kasing magsuot ng costume ni Nathan na para itong isa sa mga estuyante ng Hogwarts. Naka-Gryffindor robe pa ito at may hawak na wand.

"Kailan mo pa talagang magsuot niyan? Hindi ka naming tatabihan sa loob ng sinehan." Pagbabanta ni Dennis pero halata namang nagbibiro.

"Ang cool nga nito eh. Kakabili ko lang nito sa eBay last week." Proud pang sabi ni Nathan at pinaikot pa nito ang hawak na wand. "Windgardium laviosa!"

Lalo namang sinapo ni Archie ang ulo na para bang lalo itong sumakit.