PAPALAPIT pa lang ng cafeteria ng school si Nadine napansin niya ang grupo ng mga lalaki nagkukumpol sa mga counter na tanaw mula sa glass wall ng kainan.
Nang makapasok na ng pintuan ng cafeteria ay nakaramdam ng pagbilis ng tibok ng pulso si Nadine nang makitang ang Falcon Crest team na pawang nakasuot pa ng jersey uniforms ang nasa counter. At kabilang sa mga nag-uusyoso sa mga nakahandang food sa counter si Archie.
Parang nakaramdam si Archie na mayroon nakatingin sa kanya. Paglingon nito, saktong nakita niya si Nadine sa may pintuan. Kaagad dumilim ang mukha ni Archie.
Mula sa kinatatayuan ni Nadine sa pintuan, nakita niyang tinapik nito si Dennis dahil ito ang malapit sa kanya at kinausap. Base sa senyasan ng dalawa, mahuhulaang ayaw na ni Archie na mag-stay sa cafeteria at sa labas na lang kakain.
Nang maglakad si Archie papunta sa pintuan ng cafeteria, seryosong-seryoso ang mukha nito at hindi man lang tumingin sa kanya. Sadya pang iniiwas nito ang katawan para hindi sila magkadikitan.
Napasunod na lang ng tingin si Nadine sa papalayong pigura ni Archie. Muling nangingilid ng luha ang mga mata.
BINABASA MO ANG
Pinakatatagong Lihim (COMPLETED)
Storie d'amoreLihim na itinatangi ni Nadine ang popular heartthrob na college jock at star basketball player sa school nila na si Archie. Ngunit meron nang nobya si Archie, ang equally popular na student babe na si Cyndi. Pero hindi lang iyon ang problema ni Nadi...
