Pinakatatagong Lihim (COMPLETED)

5

...nagkamalay si Archie. Nasa loob siya ngayon ng hospital suite ng Sentinel General Hospital. Bagamat malakas ang air-conditioning sa loob ng kuwarto niya ay pinagpawisan pa rin siya dala ng katatapos niyang panaginip

(wet dream)

at hanggang ngayon ay nakakaramdam pa rin siya ng panginginig ng katawan. Napakapa siya sa bandang ibaba ng kanyang suot na hospital gown. Basa ang tela sa tapat ng kanyang ari. Palatandaan na nag-organismo siya sa kanyang napaniginipan. Napabuntong-hininga na lang ng malalim si Archie. Pagtingin ni Archie sa lounge chair na nakapuwesto malapit sa hinihigaan niya, nakita niya ang nakababata niyang kapatid na si Biboy na hibing na natutulog doon. Hindi maiwasang hindi mangiti ni Archie.

May pakinabang din pala ako sa mokong na 'to.

Pagtingin naman ni Archie sa mesang katabi ng kama niya, nakatawag agad ng pansin niya ang malaking buslo ng iba't-ibang prutas na nakapatong duon. Kinuha niya ang get well card na nakadikit sa cellophane wrapping na nakabalot sa mga prutas. Agad namang niyang nakilala ang sulat-kamay ni Cyndi.

Babe,

Cheer up, okay? As soon as you get well, lets travel. How's that sounds? You've been working your ass off for the past week because of this game. You deserve a break! Anyway, I'll visit you there just before they check you out. Love you much, moshi-moshi!

Your Pichi-Pichi,

Cynds

Postscript: I personally picked this basket of fruits from the grocery just for you. See, I can be domesticated sometimes. LOL!

Hindi alam ni Archie kung matutuwa o maiinis na ginagamit pa rin ni Cyndi ang pinauso nitong pet name nila na pinapahinto na niya dahil nababaduyan siya. Pero mapilit pa rin si Cyndi na magtawagan sila ng ganu'n dahil cute daw. Kaya wala na lang siyang magawa kungdi sakyan ang trip ng kasintahan.

Ibinalik ni Archie ang card sa buslo ng prutas saka niya inilagay ang kanang braso sa likuran nang ulo niya habang nakatingin sa kisame. Iniisip niya kung ano ang kinalabasan ng laro nila. Sayang, wala sa kanya ang cellphone niya, hindi tuloy siya makapag-check ng mga text. Malamang na hindi na sila nakabawi ng puntos sa laki ng lamang ng Python Stag sa kanila.

Bago tuluyang dalawin ng antok, naisip ulit ni Archie ang naging reaksyon ni Nadine matapos siyang madisgraya sa court. Pakiramdam niya ay wala siyang mukhang maihaharap dito. Napagdesisyunan muna ni Archie na pansamantala munang iwasang makita si Nadine habang hindi pa siya nakakabawi sa pagkapahiya dito.