Pinakatatagong Lihim (COMPLETED)

38

NASA isang kabubukas na burger joint sa Katipunan ngayon si Nadine kasama ang ka-date niya ngayong si Gerard na schoolmate din niya sa Saint Therese. Bilang parte ng opening promo ng burger joint ay may ginagawa itong burger challenge kung saan ang player ay kailangan matapos kainin ang cheeseburger na may limang patties sa loob ng limang minuto. Kapag natapos ng challenger ang burger bago makumpleto ang limang minuto ay may cash prize itong maiuuwi at ilalagay pa ang picture ng nanalo sa hall of fame wall ng burger joint.

Maraming miron ang nanunuod. May mga nakalabas nang mga digital cameras at cellphones para i-record ang gagawing challenge ni Gerard. Syempre, sa may tapat ng mesang kinapupuwestuhan ni Gerard nakatayo si Nadine at may hawak pa siyang digital camera para kuhanan ang gagawing challenge ng ka-date. Katabi din ni Nadine ang branch manager ng burger joint na may hawak namang Canon SLR camera na ia-upload sa social media pages ng burger joint ang mga makukuhang mga pictures at videos ng challenge.

May nilagay nang malaking digital clock sa mesa ni Gerard at nang magsimula ang timer ay kaagad na inatake ng lalaki ang malaking burger, may eksena pang sinasawsaw muna niya ang burger buns at fries sa baso ng softdrinks na nasa tabi niya bago isa-isang ngangasabin ang mga burger patties. Syempre pa sigawan ang mga nang-uusyoso't nanunuod habang nire-record ng kanya-kanyang hawak na gadgets ang ginagawa ni Gerard. Maging si Nadine ay naki-cheer na rin sa ka-date habang pirmihang nakatutok ang hawak na digicam sa lalaki.

Malapit nang matapos ang limang minuto at di pa rin natatapos kainin ni Gerard ang burger. Nakaramdam na ng kaba si Nadine habang nagpapalipat-lipat ang tingin niya sa umaandar na digital clock at kay Gerard.

Nang kalahating segundo na lang ang natitira sa oras, may kung anong himala na biglang bumilis ang pagkain ni Gerard sa burger at fries. May nalalabi pang limang minuto pero nalimas na ni Gerard ang burger at fries na kinakain nito. Sinutok pa ni Gerard ang sariling dibdib at sumigaw nang makitang na-beat niya ang oras ng challenge.

Palakpakan ang mga tao. Si Nadine naman panay ang sigaw sa accomplishment ng ka-date. Ipinasa ng branch manager ang hawak na SLR camera sa isang staff at siya ang personal na nag-abot ng plaque kay Gerard. Nag-pose din silang dalawa sa mga cameras para sa official photos na i-a-upload sa online page ng burger joint.