NAPANSIN agad ni Jun Nuestre na humahangos sa pagbaba si Archie ng hagdan at si Nadine naman ay pilit na sumasabay sa mabilis na pagkilos ng binata.
Naisara tuloy ni Jun ang binabasang peryodiko. "Bakit sobra kang nagmamadali, Archibald? May klase na ba kayo ngayon pag Sabado?" Tumingin pa sa relong suot-suot si Jun. " Lagpas alas-nueve pa lang naman. Usually ang alis mo dito sa bahay mga alas-onse na."
"Mag-breakfast muna kayo bago kayo umalis." Sabi naman ni Celine habang nilalagyan ng maple syrup ang pancakes sa plato ni Biboy na pupungas-pungas pa mula sa pagkagising kaya tahimik pa. "Pag umatake ulit 'yang ulcer mo huwag mo kaming sisisihin."
"We can't stay for breakfast, Mom, Dad. May emergency kami ni Nadine." Halatang gusto nang luamabas ng pinto ni Archie at gusto nang tapusin ang pang-uusisa ng mga magulang niya.
"Emergency?!" Parang napantig ang tengang sabi ni Celine. Napalakas ang paglabag nito ng bote ng maple syrup sa dining table. "What sort of an emergency is it this time?"
"I have no time to explain, Mom. Maybe later!" Akmang nang tatakbo palabas si Archie.
"No, young man!" At tumayo na si Celine at lumapit sa binata niya. "You will explain what the heck is going on to me and your Dad right now! Kagabi ka pa na puro vague ang mga sinasagot mo sa mga tanong namin. We need straight answers!"
"But I don't have any straight answers to give you, Mom!" Pasigaw nang sumagot si Archie. "Dahil maski ako naguguluhan na rin sa mga nangyayari!"
Natigilan na rin si Celine dahil nakita niyang parang naiiyak na si Archie.
"All I'm asking is a little of your understanding. And trust. Maybe a dose of your patience while I try to sort this little mess that I'm in for the meantime. Is that too hard to ask?"
Marahang umiling si Celine na naluluha na rin. "No. No, Archie."
Gamit ang palad, pinahid muna ni Archie ang mga namuong luha sa mata saka tuloy na lumakad patungo sa labas.
"Nadine, samahan mo ang anak ko. Please?" Naiiyak na pakiusap ni Celine sa dalaga.
Marahang tumango lang si Nadine at patakbong sinundan na si Archie.
BINABASA MO ANG
Pinakatatagong Lihim (COMPLETED)
RomanceLihim na itinatangi ni Nadine ang popular heartthrob na college jock at star basketball player sa school nila na si Archie. Ngunit meron nang nobya si Archie, ang equally popular na student babe na si Cyndi. Pero hindi lang iyon ang problema ni Nadi...
