TAPOS na ang screening ng Harry Potter movie at naglalabasan na sa cinema ang mga nanuod kabilang duon ang grupo nina Archie. Si Nathan on high pa rin sa napanuod at panay pa ang wasiwas ng hawak nitong wand.
"Nathan, pag di ka pa tumigil dyan isusunod na kita kina Snape, Dumbledore at Voldemort." Naiinis nang saway ni Dennis.
"Ano, guys? Punta na tayo sa sport store para mabili mo na Dennis 'yung tennis racket at ako naman 'yung Kobe Bryant shoes ng Nike." Sabi naman ni Archie.
"Teka lang. Hindi pa ba kayo nagugutom? Kain muna tayo. Uminom lang ako ng kape kanina. Hindi pa ako maayos na nakakapag-breakfast." Suhestiyon naman ni Nathan.
"Sige. Papayag kami pero tigilan mo na 'yang kakagamit sa wand mo! Seryoso ako, Nathan. Kanina muntik mo na akong matusok sa mata." Paalala ni Dennis.
"Expecto Patronum!" At itinuro pa ni Nathan ang hawak na palitok kay Dennis.
Lalo namang pinandilatan ng mga mata ni Dennis ang kabarkada.
Kibit-balikat na isinilid ni Nathan ang wand sa bulsa ng Gryffindor robe nito. "Masyado ka talagang uptight, Dennis. Kaya tagal mo nang di nagkaka-syota eh."
Biglang binatukan ni Dennis si Nathan.
"Aray naman!" Reklamo ni Nathan sabay himas sa ulong nabatukan.
Nangingiting nakatingin lang sa kanila si Archie. "So, saan tayo?"
BINABASA MO ANG
Pinakatatagong Lihim (COMPLETED)
RomanceLihim na itinatangi ni Nadine ang popular heartthrob na college jock at star basketball player sa school nila na si Archie. Ngunit meron nang nobya si Archie, ang equally popular na student babe na si Cyndi. Pero hindi lang iyon ang problema ni Nadi...
