الحلقة2:
كيما العادة جداتها تنوض فيها و هي ولا علا بالها انقلبت للجهة الثانية و حطت المخدة على راسها و قالت بصوت غالب عليه النوم:ماني دوك نوض بركاي من العياط مع صباح ربي
مانها رفعت المخدة :لا دوك تنوضي ولا منخرجش
شمس:افففف يا ربي وقتاش نتهنى من جد القراية افففف
قامت و هي مشنفة تمشي و تتزعبل بشعرها شافت في مانها و قالت: ماني ما نحبش نروح نقرى شحال من خطرة قوتلك نقليني و نتي متحبيش شفتي كيفاه راهم مجرجرينك كل يوم عندهم
جداتها بغضب:ااا و الله هاذ الشي راه من خدايمك ا لالة😠😠
قعدت قدامها و كملت:يا بنتي وينتا تكبري و تخلي عليك هاد التشيطيين لي راكي تعيشي بيه
شمس حابة تبين روحها زعفانة:حتى نتي يا ماني و انا كنت حاسبة غير نتي للي تحبيني و هما يحبو يتبلاوني😒😒
جدتها بحزن😔 تغيضها بزاف الكل جا ضدها و هي تحبها ما تقدرش تكون كيفهم ناضت و قالت:خلينا من هاد الهدرة و نوضي راكي روتار و خرجت
اول ما خرجت جداتها نحات عليها الغطا و ناضت بنشاط تستعد ليوم دراسي تعيس كيف ما توصفو هي
بعد ما توضات و صلت صلاتها لبست سروالها الضيييق لازم تكون عكس الكل و شوميز بلونش بلا مونش و بسكات بلونش بدات تحوس على سكادو تاعها نسات وين لوحاتو كي ولات البارح اااا و اخيرا شافتها ملوحة تحت السرير هزتها و خرجت.
أنت تقرأ
كرونيك :💕عنيد_&_عنيدة💕
Любовные романы#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
