كرونيك :💕عنيد_&_عنيدة💕

الحلقة 58 _59

الحلقة 58 _59
~~~~عند حنان~~~~
كانت فلابيبليوتاك تاع لفاك قاعدة تخير علا لكتاب لي حابة تديه و هي شاردة حتا فيقها صوتو لي حفظاتو
ياسين: هاه حنان راكي هنا واشراكي و كيراكي معا لقراية
هو علابالو بلي متفوقة وهدا لي زاد من إعجابو ليها فكر يهدر معا باباه بصح خاف لوكان يفشل للمرة الثانية و حكاية الزواج ولات تبنلو حاجة مخيفة
حنان مرتبكة: سلام ميسيو الحمدلله مام القراية مليحة
ياسين حب يخوفها: بصح مادرتي والو فليكزامان تاعي
حنان بخوف مالغري كانت واثقة من روحها : هاه ماتقوليش و هي قريب تبكي
ياسين ضحك كي شافها هكاك: نتمسخر برك ههه خدمتي مليح مام لانوت تاعك مليحة
حنان بغات تنقز عليه تدبحو علا هاد التمسخير تبسمتلو و قالت: الحمدلله مرسي ميسيو و راحت
ياسين خلاص قرر يهدر معا باباه يروح يخطبهالو
~~~~عند شمس~~~~
كانو قاعدين يتغداو هي و جاسم و إياد
جاسم ببراءة وهو يشاور اخد شمس: سمس سنو هدا
شمس شرقت و حمارو خدودها و اياد مات بالضحك عليها كيف ولات قالت : حبيبي هدا برك الباعوض لي قرصني باعوض خامج ماشي مليح و خزرت فإياد لي يضحك حتا بانو سنانو كامل
جاسم خاف: يا ماما اهئ اهئ لاح يكلصني
إياد ضحك و قال حب يطمن جاسم: ماتخافش يا بطل هاد الباعوض يقرص برك واحد العبد خاص نتا ما يعضكش يحبك وضحك
شمس عوجت فمها و بدات تقلد فيه: هنهنهنهن عبد خاص حطت الكاس من يدها و ناضت
اياد يضحك: خالو كمل طبسي تاعك قبل ما تجي مماك تديك
وناض لحقها
فالصالون
شافها قاعدة فلفوتوي تشوف TV قعد قدامها يتبسم
دورت لعندو: اياد متبداش بلبسالة تاعك متنساش بلي جاسم قاعد معانا
إياد تسند و حط يديه مور راسو وقال حب يغزلها:خلاص راح نسناو حتا تجي علياء تدي معاها جاسم اومبعد نوريلك السالة كي دايرة مزال واحد 15min وتوصل
شمس اخخ علا البنادم امبوسيبل نهدر حاجة ومايسكتنيش بعمري ما حسيت بالضعف الا قدامو تجاهلتو وكملت تتفرج ف TV
اياد مستغربش منها كي سكتت خاطر روماركا بلي فهاد الايام
شافها هادية حب يسقسيها: شمس
شمس تجاهلتو
كمل يحكي: شمس واص صرا معا العود لي جابهالك جدك
شمس تدكرتها قالت:ماعرفتش واش صرالو بصح عرفت بلي كي شافوني فرحت بيه نحاوهالي