كرونيك :💕عنيد_&_عنيدة💕

الحلقة149 _150

الحلقة149 _150
~~~عند شمس~~~
بعد ما كملو من لعشا ونعتت للخدامة شغلها وصلتها لشونبرتها طفات الضو لتحت وطلعت لفوق دخلت لشونبرتها لقات اياد متسطح فسرير مركز فتلفون
دخلت لسالدوبان دوشت وخرجت بدوبياس مشبكين كحل ريحة الجال دوش تاعها ضربت فخشم اياد شافت فدريسينغ روب تعرف بلي اياد يحبها شحال من خطرة يطلب منها تلبسهالو مي هيا تعاند تبسمت بخبث لبستها قدامو وهو رد روهو ماشي مهتم ههه يديه يرجفو من الشوق والعرق بدا يصب من الرغبة
قعدت تنشف شعرها كملت منو رشت عطرها كانت تشوف فيه حباتو يكلمها يعيط عليها بصح ماشي يتجاهلها بهاد الطريقة
ندمت وسبت روحها علاش تسرعت وخلات باباها يعيط عليه ويلومو حطت برفانتها بقوة علا لكوافيز بلاك يشوف فيها مي بلا فايدة
شمس اففف كل هاد الزعاف والتجاهل علاجال خدامة تفوو عليك جايح
اياد حاس بنار شاعلة فيه كان يسرق منها شوفات وعرف بلي مستحيل يتحكم فروحو مي قرر يأدبها علا تصرفها معاه وزيد تكسر فكلامو هو ماشي رافض لخدامة خاطر ميقدرش يخلصها كيما فهم باباها هو يقدر يجيبلها 10 مي بغا يعلمها تحمل لمسؤولية كونها مرا وزيد زوجة وراح تولي كاش نهار أم
حط التلفون طفا لفايوز تاعو غطا روحو وقال: طفي الضو معاك ودار روحو رايد
شمس كأنو واحد صب عليها ماء بارد واش هاد التجاهل تفوو انا الجايحة لي بغيت نصلح لحالة
طفات الضو نسات تسكر لباب اصلا مهومش موالفين يسكروها خاطرهم بوحدهم فدار راحت تسطحت فجيهتها وعطاتو بظهرها كون تلقا تقتلو علاش يدير فيها هكدا
حست فيه قام تجمعو الدموع فعينيها توقعت يكون محبش يرقد معاها
قبل ماتكمل تخمامها سمعت لباب تسكر دارت تشوف شافت اياد جاي لعندها يشوف فيها ويتبسم
هبطت دمعة قرب لعندها مسحهالها وقال: شششش واش حسابليك راح نتخلا عليك هههههه مهبولة
شمس ضرباتو لصدرو:اييه خلعتني
اياد ضحك عليها وحط شفافو علا شفايفها يمص فيها بعنف كان متوحشها بزاف بعد عليها كي حس النفس تقطع عليهم تبسملها يشوف فيها بعينيه الناعسة قرب لوذنها وقال: توحشتك وعضها
شمس عنقاتو بقوة وستسلمو لاحاسيسهم
~~~عند غلا~~~
كانت معا لبنات يقيسو فلحوايج لي شراهم
قاعدة مي ماشي مركزة شافتها دينا وقال ببتسامة: غلا بغيت نشكرك علا الكادو لي جبتيه نتي وعزام يهبل نقصتو علينا سوق المكياج والبرفان
غلا عرفت قصدها خاطر سمعت عزام كي عيطلهم باش يديو لي كادو تاعهم قالت: هداك كادو عزام انا مجيتلكم والو
دنيا : هيه نورمال واش لفرق نتي وعزام واحد
اه يا عزام مصر تربطنا ببعض وهاد الشي صعيب عليا شافت تلفونها يصوني كان عزام ستأذنت وطلعت
عزام كمل لخدمة فالشركة رجع للدار كان غلبان خاطر الخدمة كامل عليه عماد دا كونجي يوجد لعرسو(عماد خطيب دنيا شهاب خطيب دينا)
دخل للصالون قعد لقاها مكانش عيطلها فتلفون كان حاب يمتع روحو ولو بشوفتها
غلا دخلت قفلت لباب موراها وها الشي خلا عزام ينتابهلها
تبسمتلو وهو داخ من ابتسامتها لي يحسها كثرت هاد ليومين
قربت لعندو قعدت ففوتوي وحدها
عزام بغا ينوض عندها يعنقها ويحسسها بمشاعرو قال ببرود: هاد لوقت كامل معا خواتي نحسك متعلقة فيهم بزاف وليتي لوقت لي تقعدي معاهم كثر ملي تقعديه معايا راجلك شدد علا هاد لكلمة
غلا هفف كون تعرف بلي تعلقت فيك كثر قالت: ايه كنت عندهم ويتشكروك علا لكادو
مكانش علابالها بلي جاب حتا ليها
عزام ونتي لوكان نعطيلك لكادو تتشكريني ولا تتجاهلي كي عادتك قال ببرود:بلا مزية مافيهاش جبت ليك aussi
غلا 😶😶راح يقتلني قالت: علاش شقيت روحك
عزام قام ومد يديه لعندها باش تقوم معاه قال بحب: لا شقا لا والو حتا انا بغيت مهدي مرتي كادو
مصر يعاودلها هاد لكلمة بلاك تحس فيه وتعرف بلي هو راجل ويحتاج مرا فحياتو
تحس بموس يتغرز فقلبها كل ما ينطق هاد لكلمة مدت يدها ليه وقامت حست انو قلبها لي يمشي فيها