كرونيك :💕عنيد_&_عنيدة💕

الحلقة 103

الحلقة 103
راح للصالون مالقاهاش دخل عند لؤي لقاها راقدة قدامو قرب عندها لعن روحو كيشاف حالتها وجهها غوج راح يطرطق من البكا قال خلي غدوا نسقسيها وخرج
~~~عند شمس~~~
سحبت روحها من حضنو بلعقل جات تنوض صدمها اياد كي شعل لفايوز
اياد ستغرب خاف كان شمس رجعت لحالتها كيما قبل قال: شمس واش كاين
شمس حش
مت هي عمبالها رقد علابيها ناضت حابة تقعد وحدها تفكر شوية فحياتها مدام مجاهاش النوم قالت: لالا مكان والو
اياد تقعد وبان صدرو قال بشك وهو يدور راسها لعندو :خليني نشوف
ركز فعينيها ستغرب هي مكانتش تبكي قال: هيه وينراكي رايحة
شمس عرفت فاش يخمم وفهمت قصدو بحركاتو تحس بلي اياد يحبها صح ومن قلبو وهي حابة يربط بيناتهم طفل باش مايتخلاش عليها كانت خايفة من هاد لحكاية سيرتو كيشافت علياء بدات دقق فهاد الشي خايفة لوكان تلقا السبة وتزوج اياد
قالت ببتسامة: طار عليا النعاس قلت نروح نتفرج التلفزيون
اياد طلع حاجبو وقال بشك: اكيد
قالت: اييه نتا روح ترقد غدوا تسناك خدمة هي بلفعل محتاجة تقعد وحدها
سطحاتو وغطاتو طبعت بوسة علا خدو وقالت: تصبح علا خير
اياد ذاب قال: زيديلي وحدا فهاد الجيهة بليز حبي
كان فرحان اول مرة تتجرأ ودير حاجة وحدها يعني صح هي ماتمنعوش توفرو كلشي بصح غير هو لي يخدم هي مادير حتا حاجة
شمس حست بلي اخيرا دارت المستحيل قالت بدلال وهي تقوم طفي الفايوز:ها ارقد ارقد واشبيك طماع
اياد: والله غير نتي لمشحاحة
شمس تبسمت وخرجت وهو رقد
~~~عند غلا~~~
بعد ما تأكدت بلي عزام خلاص دخل لاشونبر تاعو توقعت يكون خلاص رقد راحت جمعت عشاه و نظفت لكوزينة بسرعة باش تروح عند باباها تخبرو علا قرار عزام بالفواياج
خرجت بلعقل وراحت عند باباها
عزام خرج باش يشرب لما شافها راح تخرج لحقها حتا شافها بلي دخلت عند باباها ضحك وقال والله غير حمارة وجايحة خرجت كيما السراق باش تقابل باباها لوكن طلبت مني نورمال نخليها ههههه
غلا حكات لباباها كلشي فلول كان خايف عليها مي كي عرف بلي رايحين معا لافامي طمن
غلا: بابا واشنديرو لوككان منقدروش نوصلو ليما والفواياج راح يكون بعد سمانة ومن غدوا راح يديني عند عايلتو نبقاو عندهم والله غير نخاف منو
باباها بحزن: ما عرفتش ماعلينا غير نصبرو وندعيو لربي سبحانو
غلا تنهدت : نشاله
حميد: متخافيش مدام عايلتو معاكم معندو مايديرلك
غلا هيه هاد الشي نعرفو هو اصلا مايقدرليش بصح لي مخوفني نظراتو لي نحسها عندها مقصد وحدوخر يا ربي سلكني منو ماتخليهش يقرب مني سكتت مادرتش علا باباها
رجعت للدار كي دخلت تصدمت كي لقاتو قاعد فالصالون باين بلي يسنا فيها
بلعت ريقها الف مرة من لخوف
غلا اه اه ليوم موتك بين يديه يا غلا واش راح نقولو دوكا كي شافني داخلة فنص الليل كيما السراق راح يخمم فحوايج خاطيين ولا راح يأمن كي نقولو بلي كنت عند بابا يا ربي كون معايا
عزام حكم ضحكتو بسيف من شاف رجفتها من الخوف
تصنع الغضب وزير علا وجهو حاب يخلصها علا غباءها قال: وينكنتي يا مدام هاه
غلا وهي ترجف: ع ن د ب ا
قرب لعندها وحكمها من كتافها وكمل بنفس النبرة: هسسس والله واش حسابلك راح نأمنك علابالك شحال راهي الساعة دوك
غلا تجمعو الدموع فعينيها من الشك تاعو ومن الخوف قالت: والله غير
قاطعها ببرود: سكتي انا لجايح لي خليتك تلعبي كيما تحبي مورايا
كان مسحور من قربها يشم ريحة برفانها ومركز معا شفايفها وهي تحاول تبرر هو ستغل لفرصة باش يحضنها
قال ببرود: انا لازم نتأكد ودوك
غلا تقطعلها النفس بعدت عليه وقالت:من واش تتأكد
عزام قعد وسحبها لعندو قعدها فحجرو وقال: راح نتأكد الا مرتي مزالها بنت ولا نو
كان معنقها قرب يبوسها بصح غلا منعاتو وخبشاتو فوجهو وقدرت تفلت منو
عزام خلاها خاطرو توجع شاف خدو لقاه ينزف تعصب وناض ليها راح يضربها قال: واشبي ر** نتي هبلتي ولا واش
رفد يدو بصح حبس كي شاف دموعها ورجفتها واللي زاد عليه اللي هي تأكدت بلي راح يضربها وحطت يديها تغطي فوجهها قدر يسيطر علا اعصابو قال ببرود عكس النار لي شاعلة فيه اول مرة يشوف ضعفها وانكاسرها: انا
كان راح يطلب منها السماح ويقولها بلي دارها بلعاني باش يتقرب منها قطع عليه عياطها لمخلط معا البكا:انا اشرف من ألف وحدة تعرفها ومانخليش واحد خامج كيما نتا يتهمني فالشرف تاعي اوكي
وراحت كلشي توقعاتو الا انو يتاهمها فشرفها