كرونيك :💕عنيد_&_عنيدة💕

الحلقة 89

الحلقة 89
~~~~فلعرس~~~~
دخلت وهي متوسطة خالد وباباها كانت تحفة كوف سامبل ماكياج سامبل كانت بسيطة لاقصى درجة البراءة تشع من وجهها كانت تمشي و تتبسم للناس كانت تدعي ربي يسعدها معا ياسيين
خالد يتلفت قوش دروات يحوس علا عينين توحشهم بزاف كي رجع من السفر راح لعند عايلتو باش يشوفها لقاها راحت عند يماها محبتش تشوفو كي يرجع
انتابه لريم لي تلعب بصباعتيه قالت : حبيبي كي يهبط ايهاب من عند حنان نروحو حنا نتصورو
خالد ببرود : نشاله توله لصدرها لي على برا قال : غطي روحك
نور كانت مركزة معاهم انتبهب لطريقة ريم كيفاش تحكي معا خالد دورت راسها للجهة الثانية ماتحملتش تشوفهم معا بعض
شمس بغضب: ما يليقش يكونو هادو خواتها لحنان
نور بابتسامة : خالد ممكن بصح ايهاب عاقل مليح
شمس: ها عاقل خزريلو فعينيه تشوفي لعاقل وينراه
نور بضحكة : ها خلينا دوكا من ايهاب وقوليلي وشراكي معا اياد
شمس: سفا عايشين نورمال
نور: مافهمتش
شمس بغضب : واش لي ما فهمتيش
نور: والحب واش لي يخليك ماتحبيهش مدام هو يحبك
شمس : واش لي معرفك بلي يحبني بلاك راه حاب يقهرني
وكملت بابتسامة استهزاء: لوكان جيت متأكدة من حبو منبكيش
نور بقهر: شمس افهمي بلي لوكان مايحبكش ما يصبرش عليك كل هاد المدة ماتفكريش كلامو لي قالهولك قبل الزواج يا لمهبولة قطعت عليهم هبة كانت تعيطلهم باش يروحو يتصورو معا حنان
خالد صور معا حنان وريم كان يتمنا لوكان تطلب منو نور يتصورو معا بعض بصح هاد الشي مستحيل
وقف قدام حنان يسناها تقرب حاب يشوفها وهي مكشخة خاطر فليام اللخرة كي كان يروح عندها كان يلقاها مرببة على روحها
قطعت عليه جداتو كي قالت:خالد واشبيك لاصق تما ونتا عندك زوج نسا اهبط من تما شمس و صحابات حنان باغين يتصورو معاها
خالد طاح وجهو حشماتو
خلاص العرس ودعت حنان عايلتها بلبكا سيرتو شمس ونور ماحبسوش يبوسو فيها ويعاودو حتا بعدهم خالهم علي وقال لياسين دي مرتك وهرب دوك يسرقوهالك هاد العصابة
وصلو لوتال دخلت بليمين
قعدت فسرير راح قعد قدامها وقال : حاس روحي نحلم
حنان تبسمت بخجل وهبطت راسها
ياسين نشاله برك يا حنان تنسيني وتعوضيني على خيانة سهام

سهام زوجوها لياسين بلغصب كانت تحب ولد خالتها وهو يحبها سافر للخارج يكمل قرايتو
عايلة ياسين راحو خطبوهالو وهو كان راضي بهاد الزواج التقليدي معندوش مانع عايلتها قبلو ديراكت ماسقساوهاش ممبا علا رايها هي كانت رافضة لدرجة قررت تنتحر بصح لحقتها ختها ومنعتها وقالتلها بلي كلشي لمكتوب
بعد ما رجع ولد خالتها بقاو علا اتصال حتا وين كشفها وفضحها طلقها ديراكت كان لؤي فعمرو عامين تزوجت ولد خالتها ديراكت بعد المحاكمة الاخيرة مزالت تكره ياسين لي فضحها
لمهم لعرسان تهناو معا بعضاهم 😜