كرونيك :💕عنيد_&_عنيدة💕

الحلقة 146

الحلقة 146
~~~عند خالد~~~
عيط لخو ريم وخبرو بلي طلق طلقها ووراقها راح يوصلوها بصح مخبروش السسب الحقيقي محبش يهزلها صورتها قدام خوها ربي يكون معاه علا مابلاه اخت وام شواطن
حس بالراحة كان خايف كون يظلمها بطلاقو بصح كي تشاور معا منير وقالو بلي كون جا فبلاصتو اكيد يطلقها خاطر جابتلو الضرر
تنهد توحش يسمع صوت باباه ويماه قرر يعيطلهم ويطمن علا نور
~~~عند عزام~~~
فاق شاف الساعة لقاها تخلع لقاها الخمسة علاش رقد كل هاد لوقت راحتلو صلاة الظهر والعصر
قام توضا وصلا صلاتو وراح يحوس علا غلا وين غبرت علاش مفيتوش كي لعادة باش يصلي
دخل لشونبرتها لقاها راقدة
هاه غلا راقدة ماشي من عوايدها
كانت راقدة علا كرشها راسها مخشي فلمخدة
عزام نزل لمستواها مد يدو يمسحلها علا ظهرها قال بلعقل:غلا
ماكملش هدرتو حتا نقزت من بلاصتها بعد ما حست بلمستو علا ظهرها
غلا بتوتر تعدل قعدتها وتحاول تكون طبيعية: نعمم
عزام حس بتوترها مي مبعدش وقف قعد قدامها بعد ماكان قاعد فلرض علا ركايبو
قال بهدوء: نوضي بلا تفنيين راحت علينا الصلاة بسبة عشانا فلفجر
تبسم لها وهي ترسمت علا شفايفها ابتسامة حستها ابتسامة غدر وخيانة
قامت وهي تعدل فالروب تاعها لي طلعت وهاد الشي لي عذب عزام قالت بتوتر: يووه ربي يغفرلنا نشاله وراحت تجري للسالدوبان
كانت تمثل برك قدام عزام هيا كانت معذورة عن الصلاة اصلا مستحيل تنسا صلاتها علابيها نسات تفيق عزام
دخلت للسالدوبان وقفت تشوف روحها فلمراية حست بلخنقة بغات تبكي
تحس انها نذلة وخاينة متقدرش تتخيل روحها تهرب من عزام بعد مادار كلشي علاجالها
هبطو دموعها وطلعت شهقاتها قفلت فمها بيديها خايفة عزام يسمعها
لاااا منقدرش نتخلا عليها ونهرب من عندو بعد ما صارحني بحبو وانو تخلا علا ماضيه وخماجو علاجالي
عزام ستغرب علاش مطولة فداخل بغا يسقسيها واش يطلبلها تاكل خاطرهم متغداوش وعايلتهم تغداو من بكري
توقع انها تدوش وقف قدام لباب دقو بخفة باش يسقسيها
غلا نقزت من بلاصتها وجهها صفار توقعت يكون سمعها قالت بخوف: خلاص خلاص دقيقة برك
عزام بهدوء:لالا بعقلك بغيت نسقسيك واش نطلبلك علا لغذا
غلا لاااا يا عزام منستاهلش تعاملني كزوجة منستاهلش حبي خاطر بابا مصر علا هروبي
مسحت دموعي قربت من لافابو غسلت وجهي رفدت منشفة وخرجت وانا نشف فوجهي
قلت بتنهد وانا نشتت نظراتي عليه: مفياش الجوع طلب ليك برك
عزام حس بقلبو ينغزوا كي شاف عينيها حمرا
ما قدرش يستوعب هاد الشي غلا تبكي هاد الشي عظيم ما قدرش يتحمل سحبها من يدها وقعدها معاه فالسرير
قال بخوف وهو يرفع راسها ويشوف فعينيها الي يسحروه كان الحزن والحيرة باين فيهم:نقدر نعرف علاش كنتي تبكي
غلا حست بلخبطة فمشاعرها ما عرفتش اذا هو حب ولا عشق ولا خوف بصح اكيد حب وحب كبير لعزام ضحكت علا روحها ههه ديما روطار يا غلا يعني بعد ما تحدد مصيرك انو تبعدي عليه بلا ما ترجعي😢😢
غلا ببتسامة: لالا مكنتش نبكي الصابون حرقني
عزام عرفها تكذب محبش يضغط عليها تبسملها وقال وهو يمسح فعينيها: هاه دوك نصنع لغلا صابون ميحرقش ههه
غلا تبسمت وعينيها زغللو بالدموع
بقاو مدة يشوفو فبعضاهم اول مرة تتجرأ ومتنزلش عينيها عليه كأنها تحب تحفظ ملامحو وترسمهم فعقلها قبل ماتبعد عليه
شافت حواجبو لمعقودين يبينو انو شخص عصبي خشمو الحاد وشفافو الحادين الغوز يشهيو
نتابهت للخانة تاعو لأول مرة تشوفها خاطرها اول مرة تدقق فملامحو كان فوق شفافو جهة اليسار مغطيتها لحيتو لخفيفة
حست انها مرقتها وهي تشوف فيه دورت راسها وقالت بتوتر :تسحق كاش حاجة قبل مانروح عند لبنات لقيتهم حرقو التلفون بلي زابال بغاوني نخرج معاهم وجات تقوم
هو حكمها من يدها عاود قعدها وقال بحنان: كولي حاجة قبل ماتروحي مد يدو لجيبو وجبد دراهم عطاهملها وقال: ادي هادو معاك بلاك تعجبك شي حاجة تشريها
غلا : نووو منسحقهم والله واصلا ياك عطيتلي لخطرة لي فاتت مزال مصرفتهمش وقفت خرجت
عزام رجع دراهم لجيبو تنهد اه يا قلبي وقتاش تريحيه