كرونيك :💕عنيد_&_عنيدة💕

الحلقة24

الحلقة24
شمس انصدمت نم دخوله هي ماهيش موالفة تلبس هكدا قدامهم تخشات مور الفريجيدار و قالت:الظاهر نتا لي مستاهل الكف ماشي هيا انت كيفاش تتجرأ تتدخل وعلابالك بلي كاين غير لبنات
ايهاب فنفسو ااه لوكان ماشي لحيا والله غير كنت قطعتك تقطيع قال: والله الي يستهل ضرب العصا فهو نتي يا ام لسان وكمل بخبث: راني شايفك حاطة الحطة و خرجتي زينك و كرعين باش تحكمي كاش غافل مدام القراية مكان مكان حابة ديري دار و كمل بغرور: ههه واحد ما راح يشوف فيك prsq يعرفوك بطبايعك الزينة ماشاءالله
شافها حمرت عينيها و مشات باتجاهو راحت تعطيله كف بصح هو كان اسرع منها حكملها يدها و لواها مور ظهرها و جرها من شعرها و قال تحت السنان:ماشي ذياب لي يتضرب يا الحمارة حتى وراكي مجردة من انوثتك متشردة و دزها بقرف طاحت فالارض دارت لعنده وهي ماسكة في يدها وجعها وقالت: حيوان فيبالك راح نعديهالك تحلم الهمجي تفوو عليك
ناضت وهي حاسة بالالم في يدها الي حمارت خاطر حكمها بقوة خزرت فالخدم لي كانو يتفرجو فلفيلم شافت سنيوة تاع القهوة كانو مجهزينها لايهاب لوحتها فالارض بكل قوتها و خرجت
ايهاب كان واقف تما وشاف ردة فعلها و شاف نظرات الخدم لي كانو يخزرو فيه بخوف قال بلعياط:تهلاو فالخدمة وخرج و هو يسب ويلعن روحو علاش قرب لعندها و تطاول عليها يعني برك كي هدرت مع الخدامة هكاك ولا كنت فرغت قلبي فيها لي كان مجمعها هاد المدة
تذكر شكلها كيف هجمت عليه كي اللبوة و ماخافتش منو مع انو ضربها بصح مانزلتش منها ولا دمعة
~~~~عند شمس~~~~
بعد ماخرجت راحت ديراكتمون لاشنبر تاع حنان ماحبتش تولي للحفلة يتولهو ليدها ولا الخدم يحكيو عليها
فتحت ساكها خرجت الكدو لي جابتو لحنان و حطاطو تما و عيطت لشيفور جداتها يجي ليها وخرجت بلا ما يشوفها
لقات شيفور يستنا فيها ركبت و راحت
ايهاب كان يراقب فيها كيفاش هربت بلا ما يشوفها حد فهمها وزاد حقد على و ندم:حمار ونبقى طول عمري حمار يا ربي واش داني نضربها