الحلقة 88
~~~عند خالد~~~
كان موجد روحو هو و ريم يروحو يسلمو على العايلة اومبعد يسافرو شهر عسل
مكان حب يسافر بصح فدقيقة تفكر نور وقبل حب يقهرها ويشوف ردة فعلها كي تعرف بلي راه مسافر معا ريم خاطر فعرسهم مارضاش بالسفر
شاف ريم خارجة وجها مصبوغ بلماكياج قال : نتي ماتنحيش هداك لخماج لي ديريه فوجهك
ريم: عروسة يا مسيو خالد و من حقي نتزين مشات قدامو
~~~عند نور~~~
حاسة بنار تحرق فقلبها علاش يا خالد علاش درتلي هكدا علاش كرهتني واش درتلك هدا كامل درتو علاجال قرايتي برك اااه يا ربي
سمعت واحد يدق فلباب تاع دارها مسحت دموعها وراحت تشوف شكون
خالد كان قاعد معا عايلتو لتحت يحكيو وفداخلو مغزل من ريم لي تحكي وتضحك كانها عايشة معاهم تهدر فمواضيع يكرهوك فلقعدة
توله لحنان لي قلبت عينيها باينة كرهت من القعدة معا ريم وحكاياتها الفارغة
تنهد وقال: نروح نطل علا نور قبل ما نروح
حفصة بهمس: خالد تعيش هو فهم واش تقصد بلي نور ماتحبش تشوفو بصح هو تجاهلها ورا طلع لعندها
نور تصدمت كي فتحت لباب ولقاتو هو قالت بتنرفيز: نعم واش جابك لعندي
خالد دخل وقعد فالصالون وقال وهو مفيكسي فيها باين الحمالة متعبتها و عينيها محوقين شعرها مفرشش بصح تبقا احلى من ريم قال: ندير واجبي ونجي نودعك قبل ما نسافر
وكمل ببرود: يعني منطولش كثر من سمانة لازم نرجع علا جال ولادة نتاعك
قالت بقهر: ماعندك مادخلك بولادتي تبسمت وكملت باستهزاء: نتا ما عليك غير تتهلالنا فلعروس لجديدة راك باين بلي عجباتك ولابروف راح تديها لشهر عسل ماشي كي حالة واحد الناس
خالد حس بحقارتو معاها ندم كي قبل يستفزها بهد الطريقة وهو تخلا عليها بسبة قرايتها برك سبب غبي
نور بقهر: خلاص سلامك وصل ودوكا تفضل قبل مانطردوك وشاورت للباب
خالد تفهم حالتها وخرج ماحبش تفضحو قدام ريم من نهار لول
~~~بعد سمانة~~~
عرس تاع حنان
شمس خلصت من عند لكوافيز عيطت الاياد يجي يديها لدار تبدل باش يروحو للصال
وصلت للدار دخلت لاشونبر مزية اياد صونا تلفونو و ركز معا الهدرة لوكان دخل معاها
لبست روب فار كتافها طايحين محلولة من الجاب لعند الركبة زادتلو سوندال طالون نوار بلخيوط
حست باياد لي فتح لباب وبدا يصفر : وااو واش نتي لعروسة
شمس خدودها حمارو قالت: اياد بركا من السماطة متنساش هادا عرس حبيبتي لغالية متفسدليش الجو
اياد اخ صحا عليك يا حنان طاح عليك هاد الحب قال : واش ما عندكش حباب منغير جداتك و حنان و نور
شمس فهمت قصدو اه يا اياد لوكان تشوف قداش نحبك بعمري ماحسيت بالضعف غير كي نكون بين يديك قالت:اهه لوكان نبقا نحسب مانكملش لغدوا الصباح كي يخلاص لعرس نحكيلك
رفدت بوشات تاعها وسحباتو من يدو هيا هي رانا روطار
هي سبقاتو وحطت يدها على فمو وقالت تترجا فيه : بلييز ماتفسدليش لماكياج كي نرجعو دير لي تحب
اياد مقدرتش نخليها بصح كي بدات تذبلي فعويناتها خلاص بعدت عليها هادي اول مرة شمس تترجاني قال بخبث: اوكي يا مرتي
اياد يضحك عليها
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
