كرونيك :💕عنيد_&_عنيدة💕

الحلقة 95

الحلقة 95
~~~~عند نور~~~~
فاقت علا وليدها لي يبكي بغات تعيط ليماها مالقاتهاش صونات للفرملية
نور قريب تبكي وليدها يبكي وهي متقدرش تقوم لعندو تسكتو
انتبهت لليباب توقعت تكون الفرملية تصدمت كي شافت خالد فهاد لوقت
خالد ستأذن من الخدمة عطاولو ساعة راح يشوف نور وولدو فهد كان داخل معاه لفطور
خالد ببتسامة : السلام وعليكم
نور افف علاش جا دوك البارح بسيف ما راح
ردت عليه ببرود : وعليكم السلام زاد بكا وليدها قالت: ماشفتش يما برا
خالد حط الساشيات وقال: يماك راحت للدار اومبعد شوية تولي هي قالتلي باش نقولك خاطر كي راحت كنتي راقدة
نور: اوكي ماعليش تجيبلي لولد نرضعو
خالد خنزر فيها وقال : مزية قوليتيلي وراح جاب فهد
باسو اه ليوم راه متغير فتح عينيه قرب لعندها وحطهالها فحجرها وراح يفتح الصاشيات قال ببرود: مبعد شوية يجيو العايلة يشوفوك
نور حشمت ماتحبش ترضع قدام خالد بصح وليدها لي يبكي مخلاهاش ستغلت الوقت كي شافتو مشغول وخرجت صدرها ترضع فوليدها
ماسمعتش واش كان يقول نشغلت معا وليدها لي سكت كي مسحتلو علا خدودو
خالد دار لعندها يحكي بصح سكتو المنظر لي شافو كان شكلهم يفتن حط الشي لي كان بين يديه وقرب لعندها
نور كانت حشمانة من خالد لي يخزر فيها ومركز معا صدرها قالت: ماعليش تخرج حتا نكمل الرضاعة
خالد بخبث: نو ماشي ماعليش وقرب من فهد
نور بتنرفيز: خالد بعد
خالد راح يريبوندي عليها بصح سكت كي دخلو العايلة عندها
خنزر فنور باش تغطي روحها هي حشمت وبعدت فهد عليها وحطاتو يرقد
حفصة بسعادة:كلشي مبروك يا بنتي يتربا في عزكم نشاله سلمت عليها وراحت رفدت حفيدها
سي علي سلم عليهم وباركلهم وقعد قدام مرتو يشوفو فهد

خالد قرب لعندها وقال بشوية: خسارة روحوها عليا كنت حاب نذوق الحنانة لي ذاقها فهد
نور مافهمتش واش كان يقصد بصح هو فهمها تلون وجهها وقلبات من عندو. خالد يضحك عليها