كرونيك :💕عنيد_&_عنيدة💕

الحلقة 99

الحلقة 99
~~~بعد سمانة~~~
شمس واياد علا نفس الحالة شمس تحاول بكل ما تقدر عليه تسعد اياد وفي نفس لوقت خايفة من حياتها معاه التخمام بدا ياكل فيها من تأخرها فلحمل مالغري اياد ماخممش فلموضوع
كانت طول لوقت تفكر وتسرح فتخمامها وهاد الشي لي كان يزعج اياد هو فرحان خاطرها ماولاتش تنفر منو كيما قبل وبدات تتقبلو فحياتها بصح حاب يفهم واش لي مخليها تسرح طول لوقت واش تخمم فيه وش هو سبب هاد الهدوء خايف لا يكون لهدوء لي قبل العاصفة لي راح دمرلو كلشي بناه
~~~عند نور~~~
كانت لاصقة فولدها ماتبعدش عليه دقيقة حست بلي قدر ينسيها فخالد
طول لوقت تحضن فيه وتبوس وتخاف الا كاش واحد رفدو يفلت منو وهاد الشي لي يقهر شمس وبدر خوها وكانو يعيطو عليها ويبهدلوها
كانت مستغربة من خالد كل يوم لاصق عندهم. وخطرات يبقا لنص ليل معا ولدو هي حاسة بمدى تعلقو بفهد وماعجبهاش هداك الشي هي باغية يطلقها بعدما ولدت كل ماحاولت تفتح معاه سوجي كينا حاجة تمنعها ماتخليهاش ماراحش تمنو علا وليدو بلعكس راح تخليهم قراب لبعضاهم
خالد عايش بدوامة صراع حاس بغلطة تاعو كي تسرع ورتابط بريم كره روحو كي فكر يتزوج بوحدة ماعندهاش نيفو وتخلا علا نور علاجال قرايتها بفف سبب تافه كيما انا ريم راح تقتلو بتصرفاتها الجهل تاعها واضح وضوح الشمس ماتعرف حتا حاجة من الدنيا يماها الي تمشي فيها كان يتعصب منها كي تحكيلها كلشي يصرا بيناتهم حتا من الحكايات لي يهدروها تعاود تحكيهالهم بالتفصيل حتا يتعجب منها وهاد ليام مهبلاتو بحكاية لحمل باينة غارت من نور
قالت بلي حابة تشوف طبيبة وهو ماعارضش خاطرو من حقها كأي انثى حابة تولي ام بصح يتمنا ويدعي ربي باش مايبليهش بولد من عندها
~~~عند عروستنا~~~
واخيرا تشرفت ورجعت لبلادها بعد ما عداو شهر عسلهم كيما يحب لخاطر
كانت متحمسة باش تشوف اول حفيد لعايلتها كنت تتعصب من ياسين لي يقهرها بلحركات تاعو يتشدد فلبستها ويسقسيها شكون عيطلها فتلفون
هي تحبو وتموت عليه بصح هاد الاسلوب ما قدرتش توالفو خاطر مكانوش يعاملوها فدارهم هكدا
حبت ولدو لؤي وتعلقت فيه حتا هو رتاحلها من البداية
هي كانت خايفة من سهام لي تحاول دير جهدها تنحيلو ولدها بعد ما تشعل لحرب بين حنان ولؤي الصغير