كرونيك :💕عنيد_&_عنيدة💕

الحلقة21

الحلقة21
قال بغضب: ماكانش المرواح واقيلا متفهميش
حنان قريب تبكي: هيه و علاش
اقال: هاكا منحبش و دوكا بعدي عليا قبل ما نروح نخبر بباك بواش دارت بنت عمتك المتربية
حنان بصدمة:ونتا وش عرفك
قال: ما تخفى عليا حتى حاجة
حنان خافت لوكان يحكي لبوها سكتت و راحت
~~~عند شمس~~~
كانت مركزة مع TV وفجأة سمعت صوت الباب كي تفتح دارت تشوف شكون انصدمت كي لقاتو خالها
جمال لي اول ما شافها تبسم:وشبيك تشوفي فييا هكدا مراحش تسلمي عليا
شمس الشي لي مخممتش فيه انو لوكان يسألو بباها على رجعتها راح يحكيلهم و راح تتفضح يا ربي ما يسألش
ناضت من بلاصتها و راحت سلمت عليه من فوق قلبها وراحت حابة تخرج بصح حبسها كي قال: وين راكي رايحة اني حاب نحكي معاك عندنا زمان مقعدناش مع بعض
شمس نعرف قعدتك كيفاه يا تسب و تعيط عليا كي نرد عليك تسكتني بكاش كف قالت ببرود:ما بقاوش بيناتنا حكايات ولا. كي سلمت عليك حاسبني نسيت ضربك ليا
وكملت بغرور: يالا باي و راحت
جمال انصدم من كلامها ما قدرش يبقى واقف قعد على كرسي كان قريب ليه و تنهد
انا ماعرفتش منين جاتنا هاد البنت. ما تحشمش لا من كبير ولا من صغير بصح انا الحمار لي جيت نطلب منها السماح
شاف يماه جاية اترسمت على وجهو ابتسامة نسا بيها شمس
~~~عند شمس~~~
دخلت لاشونبر تاعها و سكرت الباب بكل قوتها تقدرو تقولو تكسر ماشي تسكر. رمات روحها على الفراش و قالت: جاي يحكي معايا ههه تفوو عليك و على حكاياتك
نكرهك نكرهك بقاد تردد فهاد الكلمات رجعت بذاكرتها قبل 6 سنيين
كان عمرها 11 سنة كانت ترسم وحدها و قاعدة فالارض و كان عندهم خالها جمال و ولادو كان عمر امال4 سنين راحت عند شمس عطاتها كراس و الوان ترسم معاها
فجأة سمعوها تبكي كانت تحب على الوان شمس بصح هي ماعطاتهاش خافت تفسدهم لكن جمال ماتحملش بكا بنتو راح نحاهملها بسيف و عطاهم لامل و راح دقيقة حتى شاف امل طايحة و الالوان عند شمس راح بسرعة عاود نحاهملها و حكمها بالضرب بقات تعيط: نكرهك نكرهااااك
فيقها صوت تلفونها ريبوندات بلا ما تشوف شكون لانه علابالها شكون: الو يا الخرى وشتحب عندي ما تحبش تحشم و تحبس وديجا نومرو تاعي منين ديتو
اياد والله كنت نحشم بصح ما عرفتش واش صرالي قال:بلعقل بلعقل واقيلا نسيتي بلي عيطيلي وانا ما ريبونديتش كي كان بباك حدايا
شمس دوك نشوفو هاد اللعب: وعلاش ما ربونديتش مدامامك خايف من بابا علاش ديت نمرو تاعي ودوكا نقولك لوكان متبعدش عليا راح نخبر بابا بكلشي فهمت
اياد ههه زعما تهدد قال: خلاص فهمت بصح ما قتليش واش كنتي حابة كي عيطيلي
شمس بعصبية : كنت حابة تبعد عليا حابة الهنا و الحرية بعد عليا متفهمش و كوبات علييه
إياد كان واقف قدام العود يهدر معاها تنرفز كي كوبات عليه و قال: دوك تشوفي يا شمس الا ما خليتش تحترميني ما يسمونيش اياد
مسح على العود لي قرر يشريه من عند الجد بعد حادث شمس قرر يبيعو
قال بقهر:آااه يا اياد تذل روحك علاجال فرخة بصح واش عندي نديرو من غير انو نشكي لربي و انتي يا شمس فراح تكني ملكي و تحت رحمتي و لتما نوريك شكون اياد