كرونيك :💕عنيد_&_عنيدة💕

الحلقة126

الحلقة126
عزام: اوكي راح نكون مشجع ومساعد لغلا وكمل يضحك: ونتي شوفيلك مشجع ومساعد
دنيا غزلت منو ومن سخريتو عليها هي اصلا متحبوش وتخاف منو عكس دينا لي تحبو ويكسر خاطرها بصح تخافو كي يكون معصب
دنيا وهي تشوف فدينا: قولي كاش حاجة يا توأمي
دينا تضحك:بما انك توأمي راح نكون مشجعك ومساعدك باش نتعادلو معاهم
بداو اللعب وعزام فرحان خاطر هاد اللعبة تحتم يكون قريب من غلا
كان لاصق فيها ويديه ينطرهم فكل بلاصة من جسمها بقاو شوية حتا ربحو دينا ودنيا
غلا نسات قرب عزام بدات تنط وتصفق وعانقاتو
دنيا تعصبت سيرتو كي تعرف بلي عزام محترف فلغش ماتقدرش تغلبو مستحيل قالت بتنرفيز بلا مادير حساب لشي لي تقولو: ايه معلوم تغلبنا ما نتا بروفيسيونال فلقمار وما
ماكملتش هدرتها خاطر عزام سكتها بكف قاوي وجرها من شعرها بقوة غلا ودينا يعيطو عليه باش يخليها قال بعصبية: ادا زدت سمعتك تقولي هاد لكلام ماتلومي كان روحك زير علا فكها حتا قريب يكسرو وقال: عرفي بلي راح يكون آخر يوم فحياتك ادا زدت سمعتو خرج من فمك
غلا خافت من عصبية عزام فكرها فاول ليلة من زواجهم وتعصبت من دنيا لي ماحسبتش حساب لهدرتها قالت بلبكا: عزام بليز خلي ختك راح تقتلها تحاول تبعدو عليها
دينا تبكي : بليز عزام مسحها فيا خليها تروح
عزام حس بلي تكتبلها عمر جديد كان راح يدبحها بصح كي سمع غلا تحاول فيه دزها بقة طاحت فلرض تنهج قام وقال: غلا رواحي معايا رابيد وخرج
دينا راحت تجري تعاون ختها بصح دنيا دفعتها وراحت تجري لاشونبر تاعها والدموع علا خدها
دينا شافت فغلا دموعها يجريو تشهق راحت لعندها وقالت بخوف : روحي لعندو زربي خير مايخرج غشو فيك
عزام فقمة عصبيتو دخل للجناح تاعو وزدح لباب موراه رما روحو فلفوتوي وشد راسو بين يديه يضغط عليه بقوة
غلا تجر روحها بسيف خطوة لقدام وعشرة للور
زاد خوفها كي لقات لباب مكسر من قوة الضربة كأنو مجرم سمت بسم الله ودخلت ترجف شافتو قاعد شاد فراسو
عزام حس عليها قال ببرود: روحي بلعي لباب
غلا ترجف وتبكي من الخوف حست بلي رجع عزام تاع بكري سبت دنيا علا زلقتها كون تلقا تاكلها بسنانها ماقدرتش تتحرك من بلاصتها من الخوف
عزام شاف فيها قال بهدوء بعد ما شاف شكلها لي يكسر لخاطر اكيد خايفة منو خرج الشيطان لي فداخلو هو مكانش حاب يزيد يبين روحو قدامها بهاد الشكل: غلا بلعي لباب حاب نحكي معاك بلا مايسمعونا
غلا رتاحت شوية لهدوءو راحت دفعت لباب شوية ماتسكرش
عزام ماحبش يعلق قال: رواحي خليني نهدر معاك
قرب لعندها وهي قاعدة فلحرف قالت بخوف: ايه هدر
عزام: غلا قبل مانبدا بغيتك تنحي عليك نظرة لخوف مني انا مانديرلك والو
غلا وهادا نتا لي زرعتو فيا هزات راسها بلموافقة
عزام تنهد وعينيه عليها: غلا نتي تعرفي كل ماضي تاعي وخرابطي السابقة واللي نبغيه منك انك توقفي معايا باش نقدر نتخلا علا لخماج لي كنت فيه
كمل بحزن وهي مركزة معا كل حرف يقولو:غلا نتي عندك فضل بعد الله بعد ربي سبحانو فتحسن حالتي جامي فكرت نتخلا علا خماجي غير كي تلاقيت بيك حطيت انتقامي من باباك وسيلة باش نوصل ليك كنت نعرف بلي مستحيل تقبلي بيا نتي البنت الطاهرة وانا النجس الي يوسخك
كان يهدر وحاس بلخجل خاطر اول مرة يكشف اسرارو. كمل كلامو وحط راسو يشوف فلرض كانو يسنا تحكم عيه
غلا صدمني والله كلامي اول مرة يخليني نحس بمشاعر تجاهو مافهمتهاش حطيت يدي علا كتافو وانا نرجف اول مرة نلمسو