الحلقة 142
~~~عند اياد~~~
مقدرش يصبر كل هاد المدة وهي متجاهلة لي زابال تاوعو سيرتو كي علياء وع.النور بداو يشكو فالموضوع
عرف من.جداتها انها طول النهار راقدة وفالليل تسهر
طلب منها تعطيلو مفتاح بيتها باش يجي فالليل يقابلها ويهدر معاها حتا ادا كان بالسيف عليها
شمس كانت قاعدة فالصالون مركزة معا الفيلم عينيها محلولي تخشي ففمها شيبس بزربة من التشويق سمعت صوت لباب تفتح نخلعت وزادت من صوت التيفي شكون يجيهم فهاد لوقت خوالها معندهمش لمفتاح اصلا مستحيل يجيو دوكا بقاو عينيه فلباب تسنا شكون يدخل حاكمة فيديها موس كانت تقطع بيه لفاكية ويدها علا قلبها من الخوف
دخل وعينيها تحلو صحافي كلشي توقعاتو الا اياد يجي لعندها وفهاد لوقت
اياد:هاه عاش من شافك يا لمشنفة واش مترحبيش بينا ولا كيفاه
كان ندمان كي رفد يدو عليها بغا يرضيها جا يطلب السماح.خاطرو عرف بلي غلط فحقها بعدما فهماتو جداتها واش صرا وانو نور لي داتها معاها وصلو فهد للسبيطار كان مريض ظطرت تكذب خاطر شمس حلفاتها باش متهدرش الصراحة
شمس بصدمة: اياد وكملت بعصبية:واش.جابك وكيفاش دخلت
اياد ببتسامة:علاش جيت جيت نشوف مرتي توحشتها وكيفاش دخلت دخلت من لباب منين راح ندخل
شمس والله توحشتك كثر قالت بغضب: خلينا من الهدرة الفارغة وقولي المفتاح منين جاك
اياد خنزر فيها وقعد قال بسخرية:سرقتو من جداتك شاف فيها وكمل: شفتي راجلك يقدر لكلشي
شمس بغضب: ايه صح والدليل ضربو لي بقا سمانة مشوهلي وجهي
اياد ببرود وعينو فلفيلم مي عقلو معاها: نظن عندي اسبابي لي خلاتني نضربك وزيد راسك قاصح مبغيتيش تقولي وين كنتي وها شفتي جبتيها غير فعظامك
شمس بغضب: يعني تشك فيا انو ممكن نخونك
اياد بتنرفيز:كون عندي شك1% انو ممكن تخونيني مكنتش تزوجتك من لول بصح الشي لي مغزلني راسك اليابس وعصيانك حتا باش تردي عليا كي نسقسيك حتا ونموتك بالضرب
عجبها كلامو في ثقتو فيها انها مستحيل تخونو وحتا ادا كانت متحبوكش فكيفاش اذا عرف اني نموت فيه قلت وانا نرجع نقعد فبلاصتي:هيه وعلاش جيت
كملت بتنرفيز :بلا ماتبدا ببسالتك وشوقك ليا هدر فلمفيد
كانت هي اكثر منو لهفة وشوق بصح تتكبر عليه
اياد بثقة:ترجعي لدارك غدوا ولا دوكا كيما تحبي
شمس بعناد :وادا مبغيتش نرجع والله الصراحة انا منعيش معا واحد يضربني كون يعرف بابا ولا جدي راح يذبحوك عادي
اياد ببرود:نونو راح ترجعي وبالسيف عليك
شمس بغضب:لااه وشرايك تضربني وتجرني معاك بالسيف
كملت وهي واقفة قالت بسخرية:انا نروح نرقد متنساش طفي معاك التيفي وتبلع لباب موراك
اياد فففف واش ندير معا هاد الخراا لي حصلت فيها راسها يابس
شافها طلعت لفوق تبسم بخبث وقال:اوكي يا شمس ادا ماسهرتكش ليوم منتسماش اياد راح موراها يجري قبل ما ترقد
أنت تقرأ
كرونيك :💕عنيد_&_عنيدة💕
عاطفية#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
