الحلقة 54
~~~~عند شمس~~~~
كانت قاعدة معا نور تسقسيها علا احولاها معا خالد
نور ببرود: كيما قتلك عاشين كيما الغرباء ما نهدر معاه ما يهدر معايا الماكلة ياكل من برا حتا حوايجو يديهم ليماه
شمس: والله غير رانا كيف كيف زعما متزوجات بصح عايشين كيما لي ماتزوجناش
نور مركزة معاها : ونتي علاش كش مكاين بيناتكم نتي و اياد
شمس: رانا مختالفين بزاف
نور: وعلاش هاد الختلاف إياد دارلك كاش حاجة
شمس ببرود: ماعرفتش غير انا لي ماش قادرة نتقبلو فحياتي
نور بهدوء: شمس راكي ختي وانا ننصحك باش ديري حسابك مليح قبل ماتخطي كاش خطوة ماشي مليحة ماتعاوديش لافوط تاعي
شمس: سي فري انا نكره إياد و ما نحملوش بصح هو خير من خالد الف مرة
نور: كامل كيف كيف وانا نقولك ردي بالك ترفدي قبل ما تتأكدي بلي إياد يحبكش و ماراحش يتخلى عليك ماتظلموش الطفل معاكم
شمس: ايه وهدا لي خايفة منو و دايرة المستحيل باش ما يصراس
نور بشك: تشربي الدوا 😳
وكملت تحكي بتنرفيز: ماتقوليليش راكي تشربي فالدوا بلا مايعرف إياد هاد الشي راح يهدملكم عايلتكم
شمس بخجل: نوو مانشربش
وكملت تحكي بتوتر: بصح ما خليتش إياد يدير معابا علاقة منعتو
نور حطت يدها على فمها : كيفااش
قاطعهم تلفون شمس رفداتو وخرجت تهدر برا
خلات نور منصدمة علاش يا شمس راكي تغضبي فربي سبحانو وإياد كيفاش حتا صبر عندهم شهرين ملي تزوجو وهو جامي هدر باينة بلي يحبها تي يعشقها و حاب يحافظ عيها
تنهدت و قالت: ماشي كيما مام سي يكرهني بصح ما حبش يطلقني حاب يخليني معلقة
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
