كرونيك :💕عنيد_&_عنيدة💕

الحلقة 155

الحلقة 155
شمس عيانة من خدمة الدار كانت تخدم معا الخدامة كلشي وزادت عليها كرشها توجع فيها كل ما يجيوها ليغاقل مقدرتش تسناه شربت تيزانة ورقدت اصلا هو علابالو بلي كرشها تضرها
اياد فففف وهاد الحمارة ملقاتش وكتاش ترقد غير ليوم
تبسم والله لي يشوفك ميعطيكش قد عمرك تباني كثر قرر يديرونجيها مستحيل يخليها راقدة وهو مقالهاش كل عام ونتي حبيبتي
نحا الشوميز تاعو حطها فلكرسي
حط كادو تاع باباها وتاعو فلاكوافيز رفد لبوكي دفلور وقرب لعندها
هي غاطة بسبات عميق وزاد عليها الكوابيس من الوجاع طبس عندها وبدا يغنيلها بشوية :happy birthday to you happy birthday to you. باسها فخدها وقال كل عام ونتي حبيبتي
شمس فاقت حسبت روحها تحلم وحلمة حلوة مي خرجت حقيقة
رفدت راسها باش تتأكد
شمس:😨اياد
كانت تشوف فلببوكي دفلور وهو يتبسم: لالا خيالو😄
شمس رجعت ترقد:😏 كانت عارفة بلي راني نحلم ورجعت لغطا علا راسها
اياد جبدلها لغطا وهو ميت بالضحك عليها😂😂😂😂 قال: نوضي يا لمجنونة واش نسيتي بلي زدتي كبرتي بعام😄😄😄 كل عام ونتي حبيبتي
كان واقف فاتح يديه ليها
شمس مصدومة اولا من كلامو وثانيا من تصرفاتو مخلاتش لوقت لعقلها يفكر شاورت قلبها قامت نقزت عليه تعنق فيه
اياد تنقيزها عليه خلاه يرجع شوية للور مي قدر يتحكم فروحو ويزير عليها بين ذراعيه
كانو رجليها معلقين
قالت بحب: حسبتك معلاببالكش بلادات
اياد حطها فسرير وقال: 😅😅 لالا نعرف هههه ارواحي تفتحي لي كادو تاعك
بعد عليها راح رفد بوكي دفلور جابهولها وقال ببتسامة:اولا هاكي هادا احتفالا بهاد ليوم حضنها بقوة وهي تتبسم بعد عليها وجرها معاه
رفد لكادو مدهالها وقال: هاادا لكادو تاعك نتمنا كل عام تكوني معايا وباسها فخدها
شمس اه يا اياد يا روحي والله مانلوم قلبي لي حبك وتعلق فيك قالت ببتسامة: مرسي وكملت بسيف:: حب ي بي😊😊
حست النفس تقطلها بمجرد انها نطقت هاد لكلمة وجهها رجع غوووج من الحشمة
اياد مصدقش واش قالت حضنها بقوة وقال: نحبك وكمل ببتسامة بعد ماشاف عينيها قريب يروحو من الحشمة: وهادي من عند باباك وصاني نوصلهولك
الهدرة راحتلها مقدرتش تنطق اكتفات ببتسامة دوخت اياد وعدت روحها تحافظ علا هادا الحب حتا لو كلف الامر حياتها وراح توقف معاه فالحلوة والمرة