كرونيك :💕عنيد_&_عنيدة💕

الحلقة 145

الحلقة 145
ترمات فحضنو وهو زير عليها بقاو مدة محضنين بعضاهم عينيهم مليانة بالدموع وكل واحد يجاهد باش ميهبطهمش بقا يشم فريحتها وتجي بين عينيه مرتو حنان شمس نسخة علا يماها فالجمال اما الاخلاق فلعكس حنان رايضة ومحبوبة وشمس طايرة ولسانها متبري منها
بعدها عليه وقال بحنان:هيه ودوكا معليش تقوليلي علاش خليتي راجلك وجيتي تقعدي عند جداتك
شمس مستحيل تصارح باباها ولا حتا تحكيلو كي خرجت معا نور قررت انو تعلم اياد درس قالت بدلال:وشكون قالك تخليت عليه والدليل اياد راقد فوق عندي دارت شنوفة وكملت:غير انو نبغي خدامة تعاوني فشغل دار واياد محبش علابيها جيت عند جداتي قلت بلاك يحس بيا مي ظهرلي بلا فايدة وانا منيش موالفة بالشغل
تبسمت بخبث كي شافت علامات الغضب فوجه باباها
قال بغضب: واش يحسبلو مزوج خدامة ونتي علاش مقلتيش من لول كنت جبتلك 10 منخليكش تخدمي حتا حاجة
شمس: ايه قلت نزيد نصبر شوية سيرتو كي شفتو بلي مايحبش ماكلتي ويقولي متعرفيش طيبي
قام وقال بتنرفيز: دوك نتفاهم معاه والا علا الخلاص انا نخلصها لمهم راحتك
شمس وقفت عنقاتو بقوة:ربي يحفضك ليا نشالله يا لغالي
فرحت خاطر راح تقهر اياد وتخلصو حق الضرب لي كلاتوراح يجيبلها خدامة لي حبسها وقال راح ديرونجيه كي يكون معاها
ع.النور حس بالراحة كي عرف انو هاد هوا السبب لام اياد وانو بنتو مافيهاش معا شغل الدار بعمرها مدارت حاجة بوحدها ديما يكون عندها لي يخدمها وهو بغا يذلها مستحيل يسمح بهاد الشي تنهد وهو يمسح علا شعرها مستحيل نخلي واحد يذلك وانا عينيا مفتوحين
~~~عند غلا~~~
فاقت علا صوت تلفونها كان باباها ردت عليه ببحة النوم: صباح لخير بابا
باباها: صباح النور بنتي واش راكي بوحدك بعدي علا عزام بغيت نقوليك شي حاجة مهمة
غلا اخ يا بابا عزام وين وانا وين قالت: هيه يابابا هدر
قال: هاه بغيت نعلمك بلي عادا جابلي نومرو تاع يماك ولادراس تاعها راح نحكي معاها كي نلقا فرصة لازم نهربك قبل منسافر لفرانسا راح نتعالج ونستاقر تما
حست بصدمة 😨
بفاجعة😱
بمصيبة كبرى😱😱
غلا هاه كيفاش راح نخلي عزام انا نحبو ايه نحبو ومن قلبي تعلقت فيه وتعلقت فخوتو قالت بغصة بكا: لالا يا بابا خلينا نبقاو هنا معا بعض متبعدنيش عليك بلييز
باباها بتنرفيز: خلااص ياك هدرنا فهاد الشي انا مستحيل نخليك معاه لو ظطريت نخطفك منو كرهت من الذل والاهانة كرهت من ومن طبايعو ميحتارم لا كبير لا صغير انا قلت لي عندي وكلامي ميتعاودش كوبا عليها
غلا لالا يابابا متبعدنيش علا عزام بعد ما تسقم حالو وتعلقت بيه بقات تبكي بشهقة دفنت راسها فلمخدة تعض فيها وتشهق
ماتقدر دير والو خلاص باباها قرر يبعدها عليه
تبكي قهر وظلم تحس انها تخدع فعزام وتطعنو فظهرو بهروبها

واش راح يصرا معا غلا راح تتخلا علا حبها وتبع قرار باباها !!!
خالد راح ترجع علاقتو معا نور!!!!
اياد راح يقبل بالشي لي دارتو شمس كي حكات لبوها داك الشي وهيا راح ترجع معاه للدار !!!