الحلقة 152
~~~~عند عزام~~~~
فاق وهو حاس بسعادة راح يطير اول مرة يحس بيها حتا كي تزوج بنت عمو جامي فرح
تفكر ليلة لبارح تبسم كي تفكر غلا لي قريب ماتت بين يديه ههههه وزاد عليه حشمتها وزيد هيا ماتعرف والو هوا لي كان مسيطر عليها
دار يشوفها خاب ظنو لقاها فايقة قبلو خلات بلاصتها تحسسس بلاصتها وقال: يا ريت متخلاش هاد لبلاصة منك ومن ريحتك
اخد نفس عميق يجدد نشاطه وقام دخل لسالدوبان
غلا مغمضتش عينيها حتا تأكدت بلي عزام رقد جبدت روحها منو بشوية وراحت لشونبرتها حاولت تخفف من توترها حست بإحساس غريب تولد فداخلها كي تقرب من عزام كانت مستمتعة بدقات قلبو علابالها بلي يحبها وفليلة لبارح بينلها بلي يعشقها دوشت توضات وبدات تقرا لقرآن حتا اذن لفجر صلا ورقدت وهي تخمم علا عزام
خرج من الدوش لبس سيرفات فنوار كلاكيت تاعو وخرج يشوفها ميحبش تغيب علا عينو حتا دقيقة
دخل لشونبرتها كيما توقع راقدة فبلاصتها
قرب قعد قدامها طبع بوسة علا خدها
حست بشفايف تحطو علا خدها فتحت عينيها بلعقل لقاتو يتبسملها
عزام بحب: صباح لخير يا عروسة غمزلها
غلا عدلت روحها ووجها حمر مقدرتش تحط عينها فعينيه بعد هداك لي صرا معاهم لبارح
عزام يضحك عليها شافت فيه سكت مبغاش يزيد يحشمها قال: نوضي نصلو الظهر ونهبطو نفطرو معا لعايلة
غلا:اوكي
عزام خطف بوسة من فمها غلا وجهها ولا حمر هربت لسالدوبان وهو يضحك عليها
~~~بعد سمانة~~~
باقي علا لعرس ساعات قليلة دينا ودنيا عند لكوافيز
حاسين بلخوف يرجفو ليوم كل وحدة فيهم راح تبدا حياة جديدة معا اشخاص ميعرفوهمش خلاص مالغري ولاد عمهم مي ميداسروش قاع
خرجت غلا من عندهم طالعة لجناحها داخت منهم كل وحدة تبكيلها من جيهة عيات تسكت فيهم والو ايمالا هربتلهم وخلاتهم يندبو واش نقول انا لي نروح عليكم مانرجعش وراح نبعد علا حبيبي عزام
اخ يا عزام كل مانسمع غزلك ليا وكلامك لحلو نحس بلموت تجبد فيا كل مانتفكر بلي راح نبعد عليك وكل هاد الكلام راح يروح فلهوا
كامل هاد السمانة شفت عزام جديد عزام البشوش يضحك فوجههم كامل خواتو يماه باباه
وين يلقاني يدخل فيا حتا انو خطرة شافتو دنيا يبوس فيا ويخربط فلكلام كي عوايدو بقات حالة فمها مقدرتش تصدق بلي هادا خوها شافها عزام مصدومة حشم ههههه خاااه شبعت ضحك عليهم
شفت فروحي 😲 شكون هادي تي والله غير خرجك المكياج يا عفريتة هههه جامي تخيلت روحي نخرج بهاد لجمال الانوثة تقطر يا جدكم
دارتلي كوب لشعري كاري دارتلي ليماش باش نبان صح مزوجة😂 دارتهولي بابليز ههه خرجت زلة 😍
لبست روب تاعي فلموف فونسي
ضيقة فالصدر صدري قريب يخرج 😲 راح يقتلني عزام بااز فيه هو لي خيرهالي واش نديرلو انا😂 ضهرها V حتا قريب يوصل لخصري عندها ذييل طوييل مللور ملقدام محلولة 😘😘😘
سمعت تصفيرة من ورايا تلفتت لقيتو عزام
عزام دخل يشوف لعايلة الا ناقصتهم حاجة شافهم موش لاتيين بيه قاع طلع يجري يشوف قلبو توحشها مالغري الصباح شبع فيها بوسان حتا ولات تبكي باش طلقها تروح عند خواتو
اول ماشافها تصدم حسبها ماشي هيا تشبه لحورية لبحر صفر بقوة باش تعرف بلي معاها تبسم كي شافها شاردة تشوف فروحها عندها لحق تعجبها روحها هو تبلوكا مخو من زينها
غلا ببتسامة تحاول تخبي حشمتها : هاه عزام جيت
عزام قرب عندها عنقها ملور يشم فشعرها:جيت يا روح عزام جيت وندمت علاش جيت خايف نلغيو الهبطة للعرس ونبقا هنا ناكلك
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
