كرونيك :💕عنيد_&_عنيدة💕

الحلقة120

الحلقة120
قربها لعندو حضنها وهي مامنعاتوش كانت محتاجة لحضن تترمت فيه وتشكيلو وحشها لباباها
حس بدموعها لي غرقتلو صدرو لعاري رفعلها راسها وقال: ماتبكييش بلييز
قرب باسها من خشمها
غلا تصدمت بسيف باش قدرت تفلت منو كانت حشمانة غراف اول مرة تحس بهاد الاحساس وقفت تخرج تتهرب من نظرات عزام
عزام حاس براحة غريبة تبسم وعاود تسطح
~~~بعد اسبوع~~~
عند ريم
طلبت من خالد يوصلها لدار عايلتها وصلها ورجع ديراكت قال بلي مايقدرش يدخل راح يرجع يرقد راسو راح يطرطق
كانت حاسة بالذنب من الوجاع لي سبباتو لخالد وهي الوحيدة لي تكون السبة الا صراتلو كاش حاجة
قالت بغضب: يايما وكتاش يتنحا هاد الشي منو والله غير نموت الف مرة وانا نشوف فيه يتعذب قدامي كل يوم
يماها: ونتي مالك حنينة بزاف اصبري حاجة ماتجي بلا ماتعبي وتتعذبي والا علا صداعو مابقاش بزاف شهر وراح يروح
ريم : اممم كل يوم تعاوديلي فنفس لكلام هاو عندنا شهرين ومابان والو كل ماهو يزيد يتعذب
يماها بتنرفيز: نتي فلوقت لي تكسريلي راسي بهاد الشي روحي شوفي طبيب يقولك علاش مزال ماحملتيش عندكم 4شهور زواج ومابان والو
ريم سكتت خاطر هاد الشي يقهرها عندهم 4شهور زواج مزال مابان والو الطبيبة قالت بلي مابيها والو وقالتها تطلب من راجلها يداوي بصح هي متأكدة بلي الخلل ماهوش فيه خاطر نور حملت ديراكت فالشهر لول من زواجهم
خالد فطريق عيطلو باباه وطلب منو يروح يتعشا عندهم خاطر ولدو راح يرجع لدارهم
توجه لعندهم كي وصل بدا راسو يزنزن والصداع يزيد حاس بخنقة غريبة فصدرو ماهمش واش صرالو واش صرالي علاش نحس بكره تجاه عايلتي غصب روحو ودخل لقاهم فالصالون كان عندهم جداتو وجمال وعايلتو برك
حفصة قامت لعندو تضحك: عسلامة وليدي تفضل
خالد قرب سلم عليهم بصعوبة قعد كون يلقا يهرب متحملمش يسمع صوتهم((عايلتو هكدا تسما نور راح يذبحها😨😨))
نتابه لنور لي دخلت فلباب قربت عندهم قام ايهاب من بلاصتو نحالها فهد وهي راحت تسلم علا جداتها كان يشوف فيها وفلبستها واناقتها كانت لابسة روب روز كلار طويلة صباط نوار طالون
دوخاتو ريحتها لي عبات الصالون بصح هاد لخطرة ماشي حب كيما لعادة لعكس اشمئزاز لدرجة انو حاب يتقيا
قطع عليه باباه لي خاف كي شاف وجهو كيفاش تغير الوجاع باين عليه عينيه قريب يخرجو: خالد واشبيك قوم نوصلك عند الطبيب
ندم كي اصر عليه باش يجي وهو قالو بلي ماهوش مليح
خالد بتعب:لالا ماشي لازم كي نرقد راح يخف وحدو وناض ستأذن باش يروح
باباه بخوف: وليدي ارقد هنا الا زاد عليك لحال راح نديك لسبيتار
يماه بصدمة: علاش واشبيك وليدي مريض
خالد نرقد هنا باش نزيد نمرض اوااه نونو قال:لالا نروح لداري خير وخرج
كان برك حاب يهرب من لبلاصة لي تكون فيها نور حتا ولدو ماخزرش فيه
نور تقهرت كانت راح تبكي كيفاش تجاهلها حتا وليدو مشافوش خرج ديراكت بعد مادخلت هيا كأنه كان قاصد هادشي لدرجة انها كانت راح نقوم ليه وتعيط عليه تبهدلو كيفاش يحشمها قدامهم حست روحها اكبر رخيسة فلعالم
حفصة كانت تخزر فيها وتتأسف علا حالتهم فهمت شعورها مليح
باباه ويماه قلبهم تعصر علا وليدهم وخايفين لوكان تطلع شكوكهم فمكانها