كرونيك :💕عنيد_&_عنيدة💕

الحلقة 144

الحلقة 144
~~~عند خالد~~~
فاق علا صوت صاحبو منير كان يقرالو القرآن قبل ما يأذن لفجر
كان غلبان سيرتو كي بدا الشيخ يقرا عليه كل يوم هاد الشي يتعبو قام يتوضا ويقرا لقرآن
بعد ما صلو خرج هو ومنير للبحر كان لحال بارد معا لفجر عجبهم لحال
بقا سارح فلمنظر تفكر نور حس روحو متوحشها عالاخر تمنا لوكان كانت معاه هيا وولدو
قال ببرود: منير راح نسقسيك بغيتك تجاوبني بصراحة
منير : وي تفضل اخويا
~~~عند اياد~~~
تقعد حاس بظهرو مكسر شاف فيها لقاها فسابع نومة
وقف تمدد وهو يمس فظهرو اخخ تكسرت حتا الفوتوي تاعها قاصح كي راسها
قرب لعندها مبينة مرتاحة فالنومة تبسم بخبث
راح يتسطح حبسو لباب كي ندق
شمس فيقها الصوت
قالت ببحة نوم نسات روحها واش يدير اياد عندها: واش متسمعش لباب يدق قوم فتحو
اياد تجاهلها تسطح فسريرها جبط لغطا تغطا وقال ببرود:راني نشوف هادي غرفتك نتي لي تفتحي ماشي وغمض عينيه يرقد
شمس خراا تفوو وقامت تفتح
كانت الخدامة جات تفيقها خاطر باباها جا بغا يشوفها
شافت فيه وقالت: هااي قوم بابا جا
اياد كان دايخ النعاس يدي فيه هو اصلا رقد بعد ما صلا لفجر الليل كامل وهو يحلل فلالا شمس تسامحو وطبعا بلا فايدة
اياد: مممم سير راه جا بغا يعرف علاش بقيتي عند جداتك
شمس واثقة من كلامو علابالها بلي باباها جا يهدر معاها فهاد الشي
تبسمت بخبث كي خطرتلها فكرة حمدت ربها كي جا اياد رقد عندها باش ميشكش باباها فيهم قررت تنفذها بدات تنقز تلبس حوايجها خرجت وخلات اياد يرقد
ع.النور حاس بلي كينا حاجة بين شمس و اياد خايف كون تخرج شمس زبلتها معاه يعرفها طايرة متتجكمش فلسانها وزادت عليه علياء بكلامها انو اياد ملي تزوج بشمس مذاقش طعم الراحة كان يسنا فيها تجي يبهدلها الا كاش مادارت
بعد مدة شافها جاية لعندو راسمة ابتسامتها علا شفايفها
ع.النور نسا لحكاية قاع ونبض قلبو بعاطفة الابوة تنهد
شمس جات سلمت عليه قعدت قدامو تحضن فيه قالت بدلع:كون عرفت غيبتي عليك سمانة راح تجيبك لعندي كنت غبت من زمان
ع.النور هففف والله قلبي ميطاوعنيش نبهدلها راح نحاول نسايسها ونعرف منها علاش طولت بلقعدة عند جداتها
ع.النور معنقها بيدو قال: مدام تعرفي غلاوتك عندي علاش تحرميني من شوفتك
شمس يا بنتي متظنيش اني منحبش ولا عياطي عليك يدل علا كرهي بلعكس انتي لغالية عندي نحبك ونعزك كثر من خاوتك نتي لفرحة لولة ليا وزيدي امانة من حب حياتي لمرحومة حنان
شمس دموعي تجمعو فعينيا من قوة الاحساس دموعي لي كانو عزاز واحد مقدر يشوفهم دوكا ولاو كامل حافظهم حكمتهم بسيف وقالت:نعرف هاد الشي يكفي انك بابا والوحيد لي عندي من بعد ماما ربي يرحمها