كرونيك :💕عنيد_&_عنيدة💕

الحلقة 39

الحلقة 39
نور زاد صدمها بهاد الهدرة: نقعد فالدار يعني كيفاش مفهمتش فهمني نففهم من هدرتك انو مكش حاب تكون عندي شهادة كيما الناس ياك
خالد بغضب:اييه وعلاش راكي حابة تعبي روحك اتقراي ونتي علابالك بلي مش راخ تخدمي
نور: بصح يا خالد هادا كان شرطي و نتوما قبلتو بيه
خالد ماكنش علابالو بالشرط اصلا قال بغضب:واش من شرط الله يهديك و ديجا علاش نتوما شرطتو كاش و انتم ما صدقتو جنا نخطبو قبلتو ديراكت
نور حست بسكاكن دخلو فقلبها حست بلي راهي اكبر رخيصة يعني غصبوه عليها قالت و هي تبكي:تقصد بلي راني رخيصة و دارنا لقاو فرصة باش يتهناو مني و لصقوني فيك
خالد تفوو عليها واش داني نحل فمي هاوليك عميتها قاع : نور ما قصدتش هاد شي خلاص
قاطعاتو و هي تشهق: نوو علابابالي بلي قصدتو و انا نقولك قرايتي منحبسهاش بغيت ولا كرهت
خالد بلعياط : زعما راكي تهددي فيا
نور: فهمها كيما حبييت
حبس الطنوبيل خاطر وصلو فتحت لباب هبطت عاودت سكرتها بقوة
خالد:كسريها
راحت تجري لداخل و هي تبكي حبست قبل ماتدخل مسحت دوعها ودارت ابتسامة صفرا على شفايفها و دخلت للصالون عند خالتها

بعد ما سلمت عليهم قعدت قدام خالتها
حفصة بابتسسامة: بالسيف لا قلعك خالد سمانة و ماحبيتيش تولي لدارك خليتلي وليدي وحدو يتوحشك
نور والله هو الظالم مش انا تبسمت و سكتت ما ردتش عليها نتابهت كي دخل سلم عليهم وراح قعد قدامها
حنان تضحك: اخخ لوكان شفتييه كي ولا ما يهدر معا حتا واحد كل الوقت شارد هبلو حبك يا نور غمزت لخلد و كملت: ومن الحب ما قتل هههههه
نور هههه علاه هو وكتاشش تكلم جامد طول الوقت ماتحملتش نزيد نقعد قدامو نضت من بلاصتي تبسمتلهم و قالت: سمحولي انا نطلع نرتاح شوية
حفصة: اسناي يا بنتي الغدا راه واجد
نور ففف وانا عندي نفس ناكل بعد كلام ولدك راحت ترد عليها سبقها خالد كي قال: خلي الخدم يطلعولنا لغدا لفوق حتا انا عيان
طلع قبلها هي تبسمتلهم و طلعت من وراه وهي تغلي من تصرفاتو الباردة
اول ما دخلت شافت هكدا وهكدا مكانشو باين فالدوش نحات الطالون تاعها و طيشتو فالارض بقوة وزارت نحات الروب بقوة حتا تنطر منها السحاب تاعها قعدت بالدوباس حتا حست بيه خرج من الدوش داير فنصو التحتاني فوطة
كان يشوف فيها بشوق و رغبة سيرتو كيشافها بالدوبياس نوار لي زادو منها شطر قرب منها
نور كانت تفتسش على بيجامة تلبسها حست بنفسو السخون في رقبتها و يديه لي يلعبو على خصرها دورت عنو بزربة و بعدتو عليها و قالت : بعد عليا انا مانيش رخيصة لهاد الدرجة باش نزيد نسمحلك تمسني بعد ما عرفت واش تخمم