كرونيك :💕عنيد_&_عنيدة💕

الحلقة 43

الحلقة 43
~~~~بعد سمانتين~~~~
عند حنان
كانت تحكي معا شمس فالتلفون عاودتلها على نظرات البروف تاعها ليها وهي كانت تخاف منو بصح دوكا خلاص والفتو
حنان: شمس حبيبتي بليز رواحي لعندي والله غير تخنقت وحدي و حتا نور مفهمتش واش حكايتها عندها 15يوم في دارهم
شمس علابالها بلي واحد ماعلابالو بحكية نور من غيرها محبتش تحكي حتا توصلها ورقة طلاقها
قالت وهي تغير فالموضوع: حنون انا ما حكيتلكش بلي جاوني الخطابة وانا قبلت
حنان بصدمة:هاه خطابة شكون ووقتاش قبلتي كيفاش حكي حكي
شمس تضحك: ولوكان نقولك بلي معلاباليش شكون ماسقسيتش حتا على سميتو الراجل ههههه بصح قبلت غير باش نخرج من هاد الجحيم لي راني عايشة فيه
حنان بلعياط: وااش هبلتي واش هاد التخمام
~~~~عند ع.النور~~~~
كان واقف قدام باب شمس
كان جاي يقولها شكون لي راح يخطبها و يسقسيها على رايها للمرة الثانية و يحددو وقت الخطوبة بصح تصدم منها كيقالت الجحيم لي عايشة فيه ماعرفش واش دار وهو ماينقصلها حتا حاجة حتا من علياء ولا يرد عليهااللوم كي يلقا كاش مشكل فالدار
تنهد هاه يلالة شمس عايشة فالجحيم دوك تشوفي وجدي روحك السمانة الجاية الخطبة وبعدها العرس وراح
~~~~عند إياد~~~~
عيطلو ع.النور و خبرو بلي شمس راهي قابلة هو ما أمنش يعني حبيبتو شمس راح تكون ملكو
بدا ديراكت يوجد للحفلة
~~~~عند حنان~~~~
كانت مزالها مصدومة من شمس وزادت صدمتها كي عاودت عيطتلها و عرضاتها للخطوبة و العرس
قالت: تفوو عليك انتي متهورة مجنونة و راح تبقاي طول عمرك متهورة
قاطعها ايهاب: شكون المتهور علاش راكي تحكي بوحدك
هو علابالو بلي تهدر على شمس بصح حب يفهم الحكاية
حنان: شمس راح تتخطب هما وافقو وبداو يوجدو لكلش بزربة
ايهاب بلعياط: وشكون هدا لي رااح يخطبها و باباها وين علاش قبل ولا كانت تتمعشق والله غير بنت عمك ديرها نورمال
حنان خافت سيرتو كيشافت خالد جاي لعندهم كيسمع ايهاب يعيط: لاا يا ايهاب مايليقش تظلم الطفلة اصلا هي ماتعرفش حتا سميتو جا هدر مع بباها ديراكت
ايهاب تعصب و خرج كسر الباب منوراه هو مافهمش علاش تعصب يعني كيشك فيها ولا كيراح تتزوج
خالد قعد قدام حنان و قال ببرود: واش هي الحكاية
حنان بغضب: انا مافهمتش واش بيه خوك يحماق بسرعة واحد فيكم ماراه نورمال واحد بارد و لوخر حار
شافت فيه و كملت:و نتا متقوليش وقتاش تجيب نور من دارهم راهي طولت
خالد ناض و قال: نور خلاص طلقتها وراح
حنان وقفت و عيطت: ااااه طلقتها
~~~عند نوور~~~

حاولت تنسى خالد و تلهات بقرايتها بعد ماخبرت يماها بلي طلقها خاطر ماتفاهموش هي تعصبت وحاولت تهد معا خوها بصح نور منعاتها وقالت بلي ميحبوش بعضاهم و كلشي بلمكتوب
كانت قاعدة فشومبرتها تخمم حتا دخلت عليها امها غاضتها بنتها و كرهت خالد بشدة و تمنات لوكان سمعات لراجلها كي قال: يبان متكبر و مغرور مايليقش لنور
بصح هي وبنتها ماصدقو جا يخطب و هما قبلو ديراكت
قعدت قدامها تمسحلها فشعرها قالت: كيراكي لاباس راكي تباني مريضة
نور تنهدت: حمدلله راسي برك يوجعني

كانت تحس بالدوخة وتعبانة اي حاجة تاكلها تردها بصح ماخبراتش يماها خافت من الي فراسها يخرج صحيح و تطلع اونسانت