الحلقة 26
كانت تشوف في خالها بخزرة مفهمهاش حمحم و قال: وشراكي شمس سافا يما قاتلي بلي يدك مزال توجعك
شمس توجعني بسبة ولدك ماشي بسبة العود بفف تنهدت وقالت: دوك راني مليحة الحمدلله و ناضت ولات تكره تقعد معاهم
قالت جداتها: ما تعذبني غير هاد الطفلة و الله لوكان تموت ومراحش تشكيلي
علي حب يخففف على يماه شوية: واش من موت يا يما و شمس راهي عايشة عيشة الامراء عندك
قالت: مهما هدرت مستحيل تفهموني
شمس بعد ما خرجت من عندهم راحت للجاردا تسقي فالزرع
قاطعها تلفونها لي يصوني نحاته من جيبها و تبسمت خاطر توحشت تسمع صوتو
شمس:الوو
ع.النور بشوق : الو وشراكي بنتي نشاله لاباس
قالت: لاباس حمدلله و نتا كيراك نت و خاوتي و جداتي و جدي لاباس
توله بلي مسقساتش على علياء قال:حمدلله وراهم يسلمو عليك
~~~~بعد شهر~~~~
ع.النور و فاميلتو ولاو من البلاد
وشمس ناوية تزورهم اليوم كيما طلب باباها
خالد و نور مزالهم شهر علالعرس هو يوجد دارو وهي واحلة مع التروسو
ايهاب من بعد اللي صرى ماولاش يجي لعند جداتو غير خطرات يدخل يسلم عليها و يروح كان حاس بالذنب و الندم سيرتو كي شمس مادخلتش دارهم من هداك النهار و كلهم مستغربين منها غير هو اللي عارف علاش
اياد ولا للخدمة صار يعدي كل وقتو فالخدمة باش تنسيه في شمس بصح مقدرش
اليوم ديسيدا باش يروح يشوف ختو بعد ما رجعت وصل قدام الدار هبط من الطونوبيل و تصدم كي شافها هابطة من الطونوبيل بكل غرور و تكبر و قال:ااه فات شهر و اخيرا شفتك يا شمس يا ظالمة تبسم سكر اللوطو و دخل
أنت تقرأ
كرونيك :💕عنيد_&_عنيدة💕
Romance#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
