كرونيك :💕عنيد_&_عنيدة💕

الحلقة 35

الحلقة 35
~~~عند نور~~~
كانت قاعدة فالصالون كانت تحس بالقنطة ما عندها ما دير ملي تزوجت ماخرجت من الدار كل ما تحاول خالد يديها تشوف دارهم ميرضاش ويلقى السبة بالخدمة
نور:اففف حتى هاد التلفزيون ما يصلحش خلي نهبط عند خالتي و حنان نحي على خاطري
ناضت رايحة تلبس حاجة مستورة الا و خالد دخل فلباب كيما كمل من الخدمة سلم عليها ببرود و قعد
نور ردت عليه السلام بنفس الاسلوب وقالت: تحب نديرلك كاش حاجة قبل ما نهبط عند خالتي
خالد ما حبش يعني هو راجلها يحب كي يولي من الخدمة عيان تقعد معاه ماشي تخليه وحدو و تروح قال: نو مانحب حتى حاجة بصح وشكاين علاش راكي هابطة كاين دي آنفيتي ولا واش
نور بستغراب: لا حتى واحد برك قنطت هنا حابة نهبط نتونس مع خالتي و حنان
خالد تبسم و قال: هههه بصح مدام جيت انا نونس مرتي
نور اووه لوكان غير تبقا هكدا بصح نتا تتحول
ما عرفتش واش تقول سكتت
خالد حس بحشمتها وقف لعندها حكمها من خصرها و بدا يمسح على خدها: علابالك بلي راكي شابة و زينونة بزاف
حمارت و قالت: صح! واحد مقلها لي من قبل و ضحكو في زوج
~~~عند شمس~~~
وجدتلها جداتها حوايجها وبقات تلح عليها باش تسمع لكلام بوها باش يرضى عليها و يخليها ترجع عندها بصح هي ضربت نصايح جداتها بركلة و قررت تشن عيهم حرب حتى يكرهو منها و يطردوها
وصل ع.النور عندها شافها هابطة معا جداتها كانت نظراتها ليه نظرات كره
تنهد و قال: يالاه مع السلامة اخالتي
خرج و هي وراه بعد ما عانقات جداتها و ستنشقت ريحتها و كأنها حاسة بلي مش راح تولي لعندها
~~~عند علياء~~~
كانت معصبة من قرار ع.النور وجدت لاشنبر لشمس و طلبت من الخدم ينظفوها و هبطت لتحت تفاجأت من اياد لي كان قاعد يلعب مع وليدها جاسم:اياد وقتاش جيت
اياد بابتسامة: عندي ربع ساعة وانا نلعب مع جاسم بصح نتي وين كنتي
علياء كنت نعدل لاشنبر تاع العروسة قالت: كنت نعدل لاشونبر تاع شمس
إياد بفرح: علاش راهي جاية تبات عندكم اليوم
علياء بغضب:اووو كل يوم يا سعدي 😭😭😭
هو قريب يطير من الفرحة كيعاد راح يشوفها كل يوم قال: ازربي خطبيهالي باش نتزوجها و نهنيك منها
علياء بلعياط: واش نتا هبلت مالقيت غير هديك باش تتزوجها و ديجا ماشي تاع زواج ماتعرف دير حتا حاجة
قال ببرود : حتاواحد فينا ما خلق متعلم راح تتعلم معا الوقت كي نتزوجها
علياء: يعني حاب تديها باش تربيها ماشي تتزوجها
ناض من بلاصتو و قال: شوفي ي علياء من غير شمس حتى وحدا ماتدخل لداري و انا راح نخطبها من عند باباها وحدي و خرج
علياء: كيما تحب بصح اومبعد تشوف الا ماندمتش و قلت لوكان غير سمعت كلام ختي
إياد خرج من عندها معصب حتا شاف ع.النور داخل و معاه شمس