كرونيك :💕عنيد_&_عنيدة💕

الحلقة 134

الحلقة 134
~~~عند اياد~~~
كان عند ختو
ع.النور وعليا ماعلابالهمش بهواشهم هوا وشمس
عليا ببرود: ماشي مرتك طولت هاد المرة عند جداتها
اياد ببرود: نو عادي جداتها مريضة بغات تبقا معاه هاد اليومين
عليا بسخرية: نخاف تكون كاش كذبة من عندها باش تهرب من عندك
اياد بغضب: انا مجيتش لعندك باش تهدريلي علا مرتي والله غير مليت منك
عليا بضيق: ماتلومنيش يا خويا علابالك بلي معنديش غيرك وانا حابة نشوفك فرحان بولادك
اياد بتنرفيز: وشكون قالك بلي مانيش فرحان معا شمس
عليا : فهمني يا خويا انا مرا و مزوجة نفهم كي تكون لمرا تحب راجلها ومتوحشاتو مي لي نشوفو فشمس انها ماهيش تتوحشك وانا نظن انها منعاتك من حقك علابيها مبانش حملها
اياد حس بلي كل لي قالتو صحيح شمس متتوحشااتوش قالع : بلعي عليا هي مامنعتني ما والو الحمل فيد ربي سبحانو
عليا مدامها هكدا علاش محملتش اكيد كينة حاجة لازم نعرفها نتمنا تخرج فيها
شمس حاسة براحة بعد ما قعدت عند جداتها وبعدت علا اياد حكات لجداتها كلش لامتها وعيطت عليها علاش مقالتش لراجلها قبل متروح عند الطبيبة فهو اولى بلعلم قالتلها تطلب منو السماح وتفهمو واش صرا
هي رفضت محبتش تحكيلو بلي راحت عند الطبيبة راح يستفسر فالامر ويعرف بلي هيا معندهاش واش يمنعها من الحمل والخلل فيه هو راح يتخلا عليها وهو حاس بالنقص وهي مابغاتش يصرا هاد الشي بغات تبعد عليه بلا ما تجرحو ولا توشيه فرجولتو