كرونيك :💕عنيد_&_عنيدة💕

الحلقة 63

الحلقة 63
~~~~عند شمس~~~~
سحبها اياد حتا وصلها للصطبل و يدو علا فمها سدلها فمها خاطر علابالو بلي راح تعيط و تفرج عليهم الناش عضاتو فيدو بقوة
اياد وهو يحك فيدو: اااايييي مفترسة قطعتيلي يدي
شمس: شااح فيك شكون قالك قفلي فمي و دخل روحك فحوايج بعاد عليك
اياد: هاو قلتيها بلسانك حكاية بعيدة عليك واش دخلك فيها الراجل معا مرتو مالازمش دخلي فحياتهم
شمس بلعياط: نور راها ختي قبل ما تكون بنت خالتي فهمت وهاداك الحيوان تاع خالد ماهوش راجلها خلاص طلقها
إياد علابالو بلي شمس تحب حنان و نور وتعزهم قال وهي رايح بإتجاه العود لي ماتولهتلوش شمس من عصبيتها: مالغري بصح مالازمش طولي لسانك معاه هو راجل كبير عليك وديجا هو ولد خالك لازمك تحتارميه
شمس ديمارات لعندو باش تسمعلو لكلام بصح سكتت كي شافت العود تاعها عيطت و بدات تنقز: ههاااي شحال توحشتو ااخ يا جدي الغالي مهنتش عليه علابيها رجعهولي
اياد تبسم خاطر نسات الحكاية ديراكت و قال: هههه وانتي متأكدة
شمس تنقز: ايه متأكدة راح نبوسلو عينيه علا هاد المفاجئة
اياد هاه و فيها البوس تاني حكمها من يدها قبل ما تخرج: ارواحي هنا وين طايرة ديجا ماشي جدك لي جابو والي يستهل البوسة انا ماشي وحداخر
شمس جبدت روحها من عندو: هاه شكون لي جابو متقوليش نتا واش داك للعود تاعي
اياد قرب من وجهها و قال:ايه انا لي جبتو و ديجا مولاش ليك هدا تاعي خاطر انا لي شريتو من عندجدك
شمس دز فيه بقوة و تضرب فيه حكملها يديها و قال: تهدني بلاك يطرطقلك كاش عرق باسلها يديها و زادطبع بوسة في خدها و بعد عليها
سرح للعود وركب فيه بمهارة والعود كان هادي و مطيع
شمس مزالها متوترة من قربو قالت: نشاله يطيحك كيما طيحني وتبسمت بخبث
اياد وهو يمشي فلعود قال ببرود: يكون فعلمك يا صغرونة العود تروض علا يديا و كيما قدرتلو راح نقدرلك و نروضك حتا نتي و غمزلها
شمس خافت من كلامو لوكان ينفردو فشونبر وحدة واش يدير فيها خرجت من عندو ترعش تخرنن وحدها و تسبو كي ستولا علا فرسها