كرونيك :💕عنيد_&_عنيدة💕

الحلقة133

الحلقة133
بعد يومين
~~~عند غلا~~~
غدوا يرجعو للبلاد وهي مزال مشراتش كادو لباباها
حشمت تقول للبنات خاطرهم راح يقولو قولي لعزام يديك وهي خايفة تقولو يبهدلها ولا يعيط عليها سيبورسا ماقاتلوش يشريلها هداك النهار كي خرجو وزيد ملقاتش واش تشري ماعجبوهاش
كانت تغسل لافيسال تضيع وقتها عزام ولا ميقعدش معاها فالدار طول النهار برا
خطرات يبقا حتا يأذن لفجر ويدخل هي ولات تتضايق من تصرفاتو
بصح ماتقدرش تهدر معاه اللي مطمنها انو مزالو علا استقامتو ومتخلاش علا صلاتو كانت تشوفو يدخل للجامع لي يقبل فيلتهم حتا انو خطرات يقعد من العشا حتا لفجر تما
تنهدت شافت الساعة كانت الوحدة كلهم راقدين الا هي متقدرش ترقد وهو برا
سمعت لباب تفتح ستغربت واش لي مرجعو ليوم بكري فلعادة يبقا حتا الربعة
تبسمت ماعرفتش علاش بصح فرحت توحشتو وتوحشت قعداتو معايا تفوو عليك يا دنيا بسبتك تفرقنا
عزام مليت من حياتي طول هاد لمدة وانا فليصال دو سبور حتا لي يخدمو تما شفاو عليا بلي منخرجش من عندهم قاع
دخلت فتحت اول ازرار من شوميز تاعي وقعدت فلفوتوي دورت نحوس عليها مشفتهاش اكيد راقدة فلاشونبر لخرى مي ماشي عوايدها نعرفها تبقا تسنا فيا حتا نرجع وتروح ترقد
غلا رتبت لاشونبر تاعو بزربة وخرجت لعندو:سلام
عزام متسطح قال ببرود وهو مغطي عينيه بذراعو: سالام
غلا مراحش نسقسيه اذا كلا كل مانسقسيه يتعصب ويبدا يعيط عليا قلت بخوف: تحتاج كاش حاجة قبل مانرقد
عزام نحتاجك نتي قلت ببرود وانا نشاورلها علا سباطي : نحيلي صباطي
غلا تعمرو عينيها بدموع اخ علاش يذلني هكدا ستسلمت وقربت لعند تحل لخيوط تبسمت هه والله انيق حتا صباطو يشعل اه جاتني فكرة راح نشري لبابا صباط مليح وقشابية يحتاجها فشتا اكيد
رفدت سباطو وجيت رايحة دورت وقلت: وجدتلك فراشك وبدلتلك لغطل
انا نعرف بلي كل 3 يام يغير فراشو كل خطرة نكتاشف عليه شي
عزام عدلت روحي وقلت ببرود:لوكان غير كنتي كيما تهتمي بحوايج راجلك من ماكلتو وحوايجو تهتمي فيه بحوايج خلاف يحتاجهم قام يرقد
غلا حشمت ولقات بلي عندو لحق هيا مقصرة فحقو كزوج بصح الله غالب هو كان ناوي علا حرب
دخلت لغرفتها تسطحت وقالت:ياااه نسيت نهدرلو علا طلعتي غدوا فففف وانا يبقالي شي عقل مين نشوفو يزرع فيا خوف
جاتها فكرة قررت تنفذها
جبدت تلفونها بغات تبعتلو ميساج تهدرلو فيه بما انها تخاف منو بغات تتهرب من لمواجهة وتقابلو بليميساج
كتبت(عزام بغيت نطلب منك حاجة بليز ما تعصبش وما تهاوشنيش بلييز)
قبل ماتبعث قامت قفلت لباب بلمفتاح خافت يهجم عليها يقتلها
عزام تفاجأ من لميساج لي يوصلو فهاد لوقت فتحو يقراه تصدم
اه اكيد راح تقولي طلقني بعد مانرجعو هاه تحلمي يا غلا نتخلا عليك بعد ما ستمتعت بجمالك بعثلها(قولي برك نشوفو الطلب اومبعد نقرر ادا راح نعصب ولا نو)
غلا اووه كيما جيتلو صعيبة ففف(بغيت نشري لبابا كادو خايفة ما تحبش تديني)
طرطق بضحك ههههههه مهبولة والله بداتها ما تعصبش ماتندبش فلخر علاجال كادو ههههه جايحة (اوكي مي بشرط)
غلا خافت من شرطو(خلاص ماشي لازم نجيلو كادو مدام لحكاية فيها شروط)
عزام جايحة تستسلم رابيد والله غير نجيبك لطريقي شفاي( عرفي شنو هو الشرط قبل واقيلا بدا مخك المنحرف يخدم ههههه)
غلا حشمت واش يقصد بمخي منحرف والله غير عاقل ماشي منحرف(هيه قول ترا)
عزام(انا لي ندفع حق لحوايج لي تشريهم ماشي نتي)
غلا هاه والله غير عندو لحق مخي منحرف ظلمتو (مرسي اذا كان هذا هو الشرط فانا موافقة)
عزام فرحان بنقاشهم حتا لو بليمساج(كي تنوضي الصباح نوضيني معاك باش نتغداو برا )
غلا تبسمت نحس بلي بديت نتقبلك كزوج ملي سافرنا وشفتك تخالط خوتاتك وعرفت تفاصيل حياتك تغيرت 180 درجة
حتا بابا مصدوم مقدرش يصدقني ومزالو مصر بغا يهربني عند يما تنهدت اه لوكان يما بغاتني مكانتش تخلات عليا وانا فعمري 5سنين وراحت كي بابا متقاعد يخدمم عساس عايلتها معجبهمش مستواه ففطلقو بنتهم وخلاوني عندو مسكين شحال تعذب معايا وهي مسقساتش ممبا عليا
رقدت وهي وسط افكارها