كرونيك :💕عنيد_&_عنيدة💕

الحلقة 81

الحلقة 81
شمس تتبسم: ياربي راح نهبل عليك يا اياد ربي يحفظك و يخليك ليا نشاله
~~~عند عزام~~~
كان قاعد يخرب ف اليلفزيون حس بلجوع عيطلها: غلا
جات لعندو وهي قريب تتطرطق من الغش علا لي دارو كي قطعلها حوايجها
كانت لابسة بجامة روز كمامها طوال هادي استر حاجة لقاتها كانت لافة يدها بلبونداج وين بلاصة الجرح لي دارهالو كي كان يقطع
قالت بتنرفيز:نعم
عزام دار لعندها تصدم من جمال هاد المخلوقة حتا وهي مستورة كان راح يقولها توجدلو الماكلة بصح سكت كي شاف لبونداج لي فيدها
ناض لعندها يطير حكم يدها وقال:وشنو هدا منواش
غلا دزتلو يدو وقالت: منك نتا من شكون راح يكون
قال بغضب: مني وقتاش و كيفاش
قالت: سقسي روحك و دورت روحها باش تروح بصح هو حكمها من يدها بقوة
قال بقهر: اهدري شكون جرحك والا كنت انا فوقتاش
غلا بغضب: كي كنت تقطع فحوايجي بلمقص
عزام اه حمار كيفاش ماحسيتش كي جرحتها حكم يدها و فتح لبونداج حل عينيه من الصدمة قال بغضب: واشنو هدا جرحك عميق والدم مزال ماحبسش من الصباح علاش ماهدرتيش لازم ينخاط يلاه معايا نديك لسبيطار
غلا بتنرفيز: مانحبش نروح نتا برك رجعني للمزرعة عند بابا هدا ماكان
كان يحس بحاجة تجذبو لعندها تحسر علا حالتها وقال باصرار:راح تروحي وفمك يضحك
غلا رضات تروح خاطر خافت كيشافت الدم ماحبسش خافت لا يتعفن
~~~~عند نور~~~~
كانت فدار جداتها بعد ما استئذنت من خالها وراحت هي وحنان
كانو قاعدين يحكيو ويضحكو
الجدة تتبسم:هكاك يا بنتي اقعدي مشبتة فرايك ماتخلي حتا واحد يأثر عليك
كانت تقصد قرار نور كي خبات جنس البيبي
خالد دخل فهاد الحظة و تصدم من جداتها كان يظن بلي تهدر علا حكايتو هو ونور قال: السلام و عليكم
الكل: وعليكم السلام
نور حست بلي فهم كلام جداتها بلغالط وهدا من طريقة ردو للسلام بصح غزلت منو هي هربت منعندو باش تريح راسها وهو لحقها
خالد قعد قدام نور وعانقها بيدو حاب يغزلها قال:هكا يا ماني تشيشيها عليا وانا لي جيت عندك تعاونيني نتخلصو من عناد بنت بنتك
الجدة منصدمة:يووه يا وليدي واش راك تهدر راك فهمت غالط كنت نهدر علا البيبي
وكملت بغضب: وما تقولش بلي راني راضية بلي ديرو فنور كلشي عندو حدو
نور وهي تبعدلو فيدو وشوشتلو : سمعد واش قالت كلشي عندو حدو بعد عليا يلاه
خالد حشم وقال باش يسقم الحالة:خلاص سمحيلي يا لغالية
تبسم بخبث وطبع بوسة مرصوصة علا خد نور وقال: وهادي باش ترضاي علينا
حنا و الجدة حشمو من الجاست لي دارو وفنفس لوقت فرحو وتمناو لوكان تتحسن الامور بيناتهم
نور ناضت من عندو حشمانة من لجاست ليدارو قدامهم
~~~عند شمس~~~
حبس الطنوبيل قدام دار الجدة وقال: هيا وصلنا سلمي علا الجماعة
شمس بهدوء: ماتحبش تدخل تسلم علا ماني
اياد رفد يدها باسها وقال بخبث: لالا خايف لوكان ندخل و منسخاش نخليك تباتي بعيدة عليا سيرتو بهاد اللبسة لي لبستيها مانظنش راح نخليك
شمس خنزرت فيه جبدت يدها وقالت: خليني نهبط خير ما نضيع وقتي هنا معاك
~~~عند عزام~~~
كانو فطنوبيل راجعين للدار بعد ما خيطولها الجرح و دارولها تشكة
كان الصمت سيد الموقف حتا واحد فيهم ماهدر
غلا عيات تتفهم هاد العبد كل خطرة كيفاش حتا انها حست بلي تغير معادش يولي للخماج هي علابالها بلي معادش يتبع فالنسا
حست بضغط فيدها شافت لقاتو عزام ستغربت خاطرها اول مرة
عزام انبو ضميرو كي وجعها سيرتو كي يتذكرها كيفاش كانت تبكي وهما يخيطولها فلجرح قال بهمس: سمحيلي
غلا تصدمت عزام يعتذر هادي اول مرة تصرا قالت بتنرفيز:اول مرة نسمعك تطلب السماح بصح اعتذارك مرفوض حتا تديني عند بابا
عزام قلب عينيه: خلاص راح نوصلك بصح باش تقعدي تما مستحيل وشد طريق المزرعة
علا ستغربت كيفاش وافق بهاد السرعة بصح فرحت كي راح تشوف بباها
~~~عند نو~~~
ملي صرالها هداك الموقف وهي معصبة كيفاش يتجرأ يديرلي هكدا قدام ماني و حنان
قطعت عليها شمس كقالت:نور وشبيك ملي وصلت ونتي مخنزرة و ساكتة
نور بابتسامة : مكان والو غير راني نخمم علا ليزيكزامان تاعي ياك علابالك بعد مانولد بسمانتي راح نبدا
شمس تنهدت وقالت: خلي عليك هاد التخمام وخبريني نتي وخالد كيفاه مزالو يغزل فيك
نور اه يا شمس خالد كرهني حنا باش نسمع سميتو مانحملوش تنهدت و قالت:كيما العادة كل واحد يلقا السبة لخوه باش نقيمو الحرب
سكتت شوية اومبعد هدرت: ونتي حكيلي كيفاش تحسي روحك ونتي مرا مزوجة غمزتلها و ضحكت عليها كيشافت وجهها تلون
شمس تنرفزت : ماعندي مانحكي وناضت من قدامها وهي تتهرب من الاسئلة لي هيا ومعندهاش اجوبة