الحلقة 40
نور: ادا ماكش حاب تكمل حياتك معا وحدة عندها ديبلوم طلقني وروح حوس على وحدة تناسبك انا رخيصة منستاهلكش
خالد صدمو كلامها مخممش بلي يقدر يخرج من نور كل هادشي جرها لعنو و عنقها مقدرش يخمم بلي كلامها راح يصرى قال: ششش بلاك تعاودي هاد الهدرة محال نلقى وحدة تناسبني من غيرك انا نحب نتي لي تكوني في حياتي
نور رجليها مش قادرة تحس بيهم قدر يسيطر عليها بكلامو و انفاسو لي تضرب في رقبتها شلتها طلعلها راسها و طبع بوسة في شفايفها خزر فيها لقاها مغمضة عينيها و متفاعلة معاه تبسم و كمل الي بداه
~~~عند شمس~~~
كانت تهدر معا حنان فالتلفون تسقسيها الا ولفات لفاك ولا مزال
شمس: شفتي المعزة تاع نور ملي تلاقات معا حبيب القلب ماسقسات ماوالو
حنان تضحك: شفتي البنت كي تتزوج تنسا كلش تولي تخمم غير على راجلها
شمس تضحك: ههههه شفتي واقيلا رجالهم يديرولهم غسيل مخ هههههه
حنان: هههه يكب سعدك
شمس: نقولك حاجة حنان علابالي بلي نتي لي راح ديري لراجلك غسيل مخ ماشي هو ههههههههههه
و كملت تحكي بغرور: انا لي راح يديني يماه سور دعاتلو فليلة القدر خخخخخخ
حنان تموت بالضحك: قصدك دعات علييه هههههههه
شمس: هههه بفففف يروح يزمر
~~~عند ع.النور فلاشونبر~~~
كان قاعد يخمم فحكاية خطبة شمس و إياد كيفاش يجبدلها الحكاية و ياخذ رايها فلموضوع
شاف علياء كي دخلت هي علابالها بلحكاية تتمنى انو شمس ترفض
علياء: وشكاين مزالك محتار
ع.النور و الله محتار تاع الصح مارانيش مأمن انو بنتي راح تتخطب
علياء تفوو على زهر خويا كيداير: هييه و اللي راح يخطب مشاء الله الزين و الدين و العقل
ع.النور حس بلي راهي تقلل من قيمة بنتو قال: اييه و حتا بنتي ما يخصها والو الزين و الدلال الله يبارك
علياء: والاخلااق مكانش زييروو
ع.النور بغضب: والله واحد ماضرب خوك على يدو باش يجي يجطبها بنتي راهي عايشة معايا و الحمدلله حاجة ما تخصها هو لي ختارها
علياء تنهدت: اييه علابالي
~~~~عند نوور~~~~
خرجت من الدوش بعد مادوشت معا حبيبها مع شوية تاع البسالة (😉😉) خرج هو قبلها و خلاها تكمل
لقاتو بدل حوايجو يستنا فيها
نور نشاله مايرجعش لحكاية لبارح و مايخلنيش نكمل قرايتي
قالت: شكون راح يوصلني لفاك
خالد خزر فيها ريحت الجال دوش تاعها دوخاتو سحرو جمالها و شكلها قال بهدوء و هو يخزر فيها: يعني مصرة حابة تكملي قرايتك
قربت لعندو و قالت: خالد علاش راك حاب تحطملي مستقبلي ملي كنت صغيرة كنت نحلم يكون عندي ديبلومي
خالد بنرفزة: مستقبلك راه معايا مفهتش واش راح ديري بهاد الديبلوم
نور تعصبت: لا والله غير بزاف و علاش انا ميكونش عندي ديبلوم كيفي كيفك
خالد بلعياط: ماشي كيف كيف انا رااجلل و نتي مرا بلاصتك فدارك عند راجلك تربي ولادك ماشي تهومي من بلاصة لختها
نور اهه ياربي متخلف و عقلو متحجر قالت ببرود: اييه روح شوفلك كاش وحدة تتقبل عقلك المتحجروانا مابقاتش عندي بلاصة هنا
خالد ياربي راح نذبحها واش هاد العناد حكمها من ذراعها و قال: نوور اترصي احسن لك ولا راح تشوفي مني حاجة متعجبكش ماتتحداينيش
نور بلعياط: انااا مارانييش نتحدا فييك بصح هدا كاان شرطي قبلل الزواج و خالي علي علابالو بييه
خالد: اييه وبابا واش دخلو انا لي تزوجتك ولاا هو
نور: ههاك قلتها بفمك انا مرتك مرتك ماشي عبدة عندك فههمت و جبدت روحها منو وهي تسب و تلعن روحها كي حباتو مكانش علابالها بلي هو انسان متسلط هكدا
خالد قرر انو يشوف مدى حبها ليه راح تتخلى على الغالي قال و هو مركز معاها: نور شوفي يا أنا يا قرايتك
نور اتصدمت من كلامو بصح قالت : اكيد قرايتي و كملت كلامها و عيونها مليانين بالدموع: و مرسي على كل حاجة جات من عندك يا ولد خالي و كانت ترص على كل حرف يخرج من فمها
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
