كرونيك :💕عنيد_&_عنيدة💕

الحلقة 174

الحلقة 174
~~~عند عزام~~~
دخل لدار حوس عليها بعينيه ملقهاش عيط عليها: غلاا
غلا كان مندمجة معا الكتاب لي تقرا فيه سمعت عياطو جات تجري
غلا ببرود: واش
عزام:وجدي روحك عندك رونديفو عند الطبيبة بعد ساعة
كان مركز معها تسحر بشكلها
كانت لابسة بيجامة تاع الحرير روج سروال عريض وبوستيي تاعو قصير معا كرشها لكبيرة زاد قصار نص كرشها علا برا دايرة بوند علا راسها روج
ردت عليه ببرود:😔😏 اوكي ودارت ترجع لاشونبر عاود حبسها:ماهدرتيش معا باباك
غلا بخوف: الااا علاش كاش مسمعت عليه كاش ماصرالو
بدات تبكي: اهئ اهئ بابا قول علاش راك ساكت
عزام خاف عليها قال: لاا هوا برك عيط لبابا وبابا خبرني توقعتك هدرتي معاه وتواعدتي معاه تهربو
غلا براحة خاطرها كانت خايفة علا باباها وزيد توحشاتو بزاف الظروف لي حكمت عليهم يتفارقو
قعدت فلرض محستش بلبرد خاطر قلبها شاعلة فيه النار حطت وجهها بين يديها وتفلقت بلبكا تبكي بشهقة
تشهق من ضعفها اللي بان وتوضح عند عزام ماقدرتش تتحمل كي جاب سمية باباها تفتحو جروحها
عزام بخوف قرب وتحنا لعندها ويديه علا كتافها: غلا
غلا نترت يدو: بعد مني
عزام هزها من كتافها : منبعدش وادا على باباك منمنعكش تهدري معاه مي باش نخليك تشوفيه هادا فأحلامك حتا كي تولدي منخليكش تروحي لعندو راح تبقاي عندي حتا لو ظطريت نحبسك هنا حتا لو متحبينيش راح نخليك هنا وبالسيف عليك
خلاها وراح وهيا رجعت طاحت فلقاعة تبكي وتضرب بيديها فلرض بقوة

~~~عند حنان~~~
كانت عاملة حفلة صغيرة فدارها بمناسبة حمل شمس و تحسن علاقة خالد ونور
كامل متجمعين عايلتها وعايلة ياسين يماه وخواتو
جدتها توانست مع يمات ياسين وجابوها حكايات
نور طول الوقت متبسمة والكل نتابهولها وحسوا انو كاين حاجة مور هاد الابتسامة
نور مخبرتهم بحملها من غير خالد بغات تفاجئهم
تولهت لشمس لي قرصتها حتا عيطت وخنزرت فيها
شمس: هااه واش السر زرعي من الصباح وانا نحكي معاك ونتي غير تتبسمي كي لبهلولة
نور: ههه غير سرحت برك سمحيلي
شمس بخبث: همممم بشكون سرحتي هيهيهي😈😈
نور بدون وعي : بحبيبي بشكون يعني😅
شمس فرحت لنور واخيرا تحسنت علاقتها بحبيبها ورجعت البسمة لوجهها قالت بغيرة: بركاينا من خرااك وخليك معانا دوكا
نور بدلال: منقدرش ههههه وبدات تضحك علا شمس لي قالت: نور تسكتي ولا نفرع مك هنا واش مكفانيش هاد لوحم حتا تزيديلي نتي همك راني داخلة ف6 شهور وهو مزال ماخلاصش سكتي سكتي عليا
نور:هاي هاي والله غير نتي وحنان وحمكم مرض حنان علا راجلها مسكين ونتي علينا انا وحنان قريب تاكلينا 😒😒😠
شمس:واقيلا دعاوي اياد لي خرجو عليا كان يغير من حبي ليكم
نور:😂😂😂والله غير عينو حارة تجيبها قدقد
حنان لحقت عليهم علا هاد الكلمة وقالت: شكون لي عينو حارة قولي باش ناخذو حذرنا منو شمس:😠😠😠بلعو بلعو تلهاو فراسكم
ضحكو عليها طول عمرها مهبولة
هبة تلعب معا فهد وتضحك فيه ويماها تحكي معا يمات ياسين لي فحجرها حفيدها بدر وجنبها قاعد لؤي يخرشش فطابلات
حفصة بضحكة: والله يا هبة غير نحسدك علا تعلق فهد فيك الذيب ميشوفش فيا كاع وكأني منيش جداتو انا
هبة تضحك: هننن خلي الطفل براحتو
حفصة: هاه راح تشوفي الا مخليتش نور تجيبلي حفيد ثاني خير من تاع