الحلقة 75
~~~بعد سمانة~~~
الجدة عيطت لشمس وقالتها لازم تروح لعندها خاطر توحشتها عندها سمانة ماجاتش و كل ماسقساتها علا السبب تتحجج بخدمة اياد و ما عندوش لوقت
ليوم واخيرا رضا اياد يديها لعند جداتها
الجدة وجدت كلشي تحبو شمس
تولهت للباب لي دق ستغربت شكون يجي عندها من غير شمس خاطر شمس معاها المفتاح تدخل ديراكت
فتحت الخدامة كان ايهاب
راح سلم عليها
الجدة: عسلامة ولدي وشراك
ايهاب: لاباس لاباس ونتي ماني
الجدة: الحمدلله
وكملو يحكيو
دخلت شمس و إياد عليهم
شمس كانت تضحك من هدرة اياد اول ما شافت ايهاب جمعت الضحكة
سلمو عليها اياد قعد وشمس بقات واقفة تخزر فايهاب خزر فيها اياد و شاورلها بعينيه باش تقعد راحت قعدت قدامو
كانت تخزر فايهاب فخزرات تاع كره وعضب
وقفت وقالت بتنرفيز: ماني راني طالعة لفوق مانيش مرتاحة بلقعدة هنا
وعينيها علا ايهاب
جداتها بغضب خاطرهم فهمو قصدها:شمس اقعدي معانا
ايهاب اخخ يا شمس شحال ندمت و كرهت روحي ماعرفتش كيفاش رفدت يدي عليك وكرهتك فدارنا من هداك النهار مزدتي دخلتيه
ايهاب قام باش يخرج بصح حبساتو الجدة مخلاتوش :وين رايح اقعد تتعشا معنا
ايهاب و عينيه بشمس:ماعليش ماني خطرة خلاف وخرج
اياد حس بلحشمة من تصرف شمس لحق ايهاب
حبسو صوت اياد عند لباب
اياد: ايهاب معليش دقيقة
ايهاب ببرود: وي
كان مغزل ماحبش يحكي معا حتا واحد
اياد: معليش نهدر معاك دقيقة برك
حشم من اياد ماحبش يرفضو خاطر هادي اول مرة يطلب منو حاجة
ايهاب: اوكي مكانش مشكل هيا نروحو لطنوبيل خير
~~~عند شمس~~~
كانت مغزلة اول مرة جداتها تتهاوش معاها هكدا
جدتها بلعياط: الظاهر ما عرفتش نربيك وخرج كلام جمال صحيح
شمس بغضب: ماني واش هاد الهدرة علاجال واحد حيوان و
ماكملتش كلامها خاطر سكتتها جداتها بكف علا وجهها
شمس شادة فخدها منصدمة اول مرة تضربها جداتها و بسبة شكون بسبة ايهاب ما قدرتش تتحمل هبطو دموعها شلال
قالت هي تشهق:عمرني ما بكيت علا ضربهم ليا خاطر كاين لي نحتمي فيه تنهدت وسط شهقتها وكملت:ضربني جمال مابكيتش ضربني جمال مابكيتش فشخني ايهاب بالضرب حتا ماقدرتش بصح جامي بكيت بصح نتي يا ماني مانقدرش
رفدت ساكها وتلفونها و خرجت تجري
جداتها حست برجفة من كلامها فقدت توازنها قعدت فالسرير
حست بخناجر تنغرز فقلبها كانت الملاذ الوحيد لي تحتمي فيه ودوكا خلاص جروها لعندهم ولات كيفهم
~~~عند غلا~~~
مرت عليها سمانة عايشة فالذل كانت تحس بروحها كلبة كان كل مايدخل يعيط عليها كل ما يخرج يعيط بصح معاودش ضربها من نهار لي تزوجوا
وجدتلو الغدا وراحت لعندو شافتو قاعد يلعب بتلكوموند يحوس فليشان
قربت لعندو وهي تدعي ربي حطتلو الغدا قدامو وقامت تروح بصح حبسها
عزام مقهور من استحقارها ليه قال: وين وين
غلا ففف شحال نكرهو حسبتلو جارية عندو
غلا بنظرة قوية: رايحة نكمل شغلي كي تكمل عيطلي
كانت نظرات القوة اللي فعيونها تغزل عزام
عزام : نو راح تقعدي هنا حتا نكمل وتجمعي
غلا علابالها بلي حاب يكسرها و يضعفها خطرات تحب تقتلو وخطرات يغيضها خاطر ضياعو كان بسبة والديه لي اهملوه وجراو مور شغلهم و دراهمهم ستاسلمت وراحت قعدت بعيدة عليه
افف لوكان ماقعدتش كنت ذبحتها
عزام بدا ياكل انتابه لغلا لي مركزة معاه قال بغرور: واقيلا عجبتك اهه شكون يقدر يصدق بلي بنت الحارس تتزوج بواحد الزين والمال ههههههه
كمل بسخرية: نتي بهاد لحوايج تباني كيما الراعي حتا الراعي مهتم بروحو وضحك عليها
غلا ههه مسكين حاب نزين روحي علا جالو لا والف لا يحلم راح نخرجلو قلبو حتا يمل مني ويخليني
قالت ببرود: هادا ذوقي وانا عاجبني
عزام: وانا معجبنيش غدوة نديك تشري حوايج يليقو بمقامي و تنحي عليك هداك الخماج اوكي
أنت تقرأ
كرونيك :💕عنيد_&_عنيدة💕
Любовные романы#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
