كرونيك :💕عنيد_&_عنيدة💕

الحلقة18

الحلقة18
~~~بعد اسبوع~~~
حنان و نور مشغولين بتجهيزات الخطبة و شمس راح نخرج روحها prsq ماراحش تحضر لانو جدها مخلاهومش يرجعو و تانيك علاجال الجبيرة لي فيدها
~~~عند شمس~~~
كلمت جداتها و طمنتها انها بخير و دات تبهديلة على خدمتها كوبات عليها و لبست تنو سبور و قررت تروح تشوف العود مالقري منعوها و هددوها انهم راح يبيعوه بصح هي اصرت تشوفه راحت لعنده بالتخبية با ما يشوفها حد
كي وصلت صدمها وجوده معاه يوكل فيه و هو هادي
قربت لعنده و قالت بغضب:ممكن نعرف وشراك دير هنا
إياد تصدم من جيتها خصوصا كي بباها نبه عليها قال بقهر:انتي لي وش راكي ديري هنا يعني لازم تكسري كلام بباك
شمس بنرفزة:و نتا وشدخلك معرفتش علاش تحب دخل روحك و دوك بعد عليا حابة نقعد وحدي معاه
اياد:هاد البنت راح تقتلني ولا نقتلها فعمري ما طول واحد لسانو معايا حتى تبليت بهاد اللفعة
قال :انتي لي تروحي منا قبل ما نعيط لبباك يجي يكرفسك هنا
شمس:اخخخ زعما يهدد فيا😒😒 قربت من العد فكت رباطو و مسكت السرج راح تركب
اياد بغضب: شمس متكسريليش راسي قعدي عاقلة قبل ما ننده لبباك
شمس :دير ما فيك تجاهلتو و راحت
اياد وقف قدامها و نحالها السرج بقوة و دزها مي شمس تماسكت باش مطيحش
قالت وهي تحاول تنحيلو السرج: هاتو يا لكلب
اياد زاد دزها بشوية و ركب فوق العود
شمس بصوت علي وهي تجري وراه:يا زفت يا كلب يا حقيير تفووو علييك
اياد دار لها و قال:راح تخلصي على واش قلتي كامل و راح
شمس وقفت تزفر بقوة: افففففف واش درت باش بلاني ربي بهاد الحيوان الله لا يردك رخييس اعععععع انا لازم نرجع اذا ستنيتو راح يقتلوني و الحيوان باين عليه مطول تفوووو عليك خامج
دخلت للدار لقات جداتها و مرت بوها يحكيو سلمت عليهم و قعدت تخمم فالطريقة لي ترجعها لعند جداتها
خطرتلها فكرة الا نجحت راح تكون عندها غدوة الصباح
تنهدت وراحت تعيط لجداتها فالتلفون بعد ما فدت من حكايات جداتها و علياء
خرجت لبرا عيطت لجداتها باش تخبرها على الخطة و تساعدها
إياد كان داخل باش يتوضى و يصلي حتى لمحها تهدر فالتلفون تترجى فهداك لي تكلم فيه و تهدر معاه بدلع استغرب يعني شكون هذا لي تذل شمس روحها علا جالو
فهم من كلامها انها حابة ترجع لدار جداتها و راح دير المستحيل باش تولي