الحلقة 68
نهار جديد
~~~عند شمس~~~
قاعدة فلاشونبر تاع لبنات الكل رجع الا هي و عايلتها جدها اصر باش يزيدو يقعدو سمانة
كانت قاعدة فالسرير ضامة ركبتها لصدرها تخمم فحياتها و مقلقة علا نور صحيح كلمتها وطمنت عليها بصح حابة تشوفها
نتابهت لاياد لي دخل عليها تنهدت يا ربي ماعرفتش واش هاد الاحساس لي يجيني كي نشوفو ما فهمتش الا شوق او كره
اياد قعد قرامها وقال بابتسامة:واقيلا راكي زعفانا كي ما روحناش
ضغط علا يدها و كمل: كنت حاب نعاونك بصح عجزت حلف باش منروحوش
شمس هو يحكي وانا مركزة معا عينيه اول مرة كنت نشوف فيهم الصدق بصح عقلي ما حبش يفهم
اياد: علابالي بلي مقلقة علا نور بصح ماتخافيش راهي مليحة هدا وين كنت نهدر معا ايهاب
انتبهت لسمية ايهاب كشرت و قلبت عينيها اياد نتابهلها و قال: واشبيك تخنزري هكدا
شمس: مكان والو
اياد ضيق عينيه وقال بشك:مكان والو ولا كي ذكرت ايهاب واش لي مكرهك فالراجل
شمس بغضب: ماعلاباليش من عند ربي انا نكرهو كره العما
اياد ضحك و قال: علاش نتي شكون تحبي
شمس عدلت روحها و قالت: مانحب حتا واحد غير روحي و برك سفا
اياد تبسم و قال: نو سفا با و انا ما نتهناش حتا تولي تحبيني انا خطف منها بوسة في فمها و طلع
شمس حكمت لمخدة و رماتها عليه : تفوو حمار
~~~~ عند نوور~~~~
بعد ما خلصت من الفحص قالت الطبيبة : الحمدلله علا سلامتك هاد الخطرة سلكتي خاطرك وصلتي فلوقت لمناسب بصح ردي بالك الخطرة الجاية تقربي من اي حيوان نتي اونسانت وهد الشي راح يضرك
نور بخجل: انشاله
بعد ما خرجت الطبيبة قالت يماها بتنرفيز: هاه شفتي كنا راح نفقدك بسبة تهورك وانتي واش داك للمزرعة ونتي متقدريش علا روحك
نور دورت راسها للجهة الاخرى و قالت: واش تحبيني ندير حابة نروح نتونس معاهم خاطرني محتاجة لواحد يكون معايا باش ننسى شوية من الهم لي عايشة فيه
هبة بحزن:انتي لي جايبة هاد الشي لروحك و..
قاطعتها نور تحكي: يما ربي يخليك خليني من هاد لحكاية ادا ماكيش قادرة تقعدي معايا روحي والله ما نزعف
هبة ما قدرتش تشوف بنتها مكسورة و ماتكونش معاها قالت بحزن وهي تعنق فيها: شششش ما تقوليش هكدا وانا عندي وحدة من غيرك نتي الحب
نور. لقات روحها مرتاحة وهي فحضن يماها بدات تبكي باش تغسل جروح خالد من قلبها
~~~عند حنان~~~
كانت سارحة تفكر كيفاش تقدر تعيش حياتها معا ياسين والشي لي زاد قلقها انو ياسين ماسقساش عليها كاما من ليوم لي خرجو فيه من البلدية
تنهدت وقالت: نشاله برك مايكونش كيما خالد يحرمني من قرايتي خاطر راح ندير كيما دارت نور
كملت بخوف: انا منعاودش لافوط تاع نور لازم نحكي معاه قبل ما يوقع الفاس بالراس
سمت بسم الله و عيطت
~~~عند ياسين~~~
كان قاعد يلعب مع لؤي ولدو فجأة صونا تلفونو تصدم كي لقاها حنان
ياسين: الو حنان
حنان :الو ياسين سفا
ياسين : سفا و نتي وشراكي
حنان : سفا حمدلله
سكتوا فترة حنان كانت خايفة تفتح معاه الموضوع وياسين كان متخوف من حاجة وحدوخرا الي هي جرأتها انها تهدر معاه و هو يكره هاد النوع من النسا بسباب مرتو وكان ديما يشك فحنان هاد الشي لي خلاه ديما يعيطلها بلي نومرو جداد باش يضمن بلي متخونوش
(( هادا اكبر مشكاك فالقصة))
حنان بتوتر: ياسين ماعليش حابة نطلب منك حاجة
ياسيين بشك: وي بيانسور و لي هو
حنان: ماتحرمنيش من حلم حياتي حابة نولي بيدياتر (طبيبة الاطفال)
ياسين باستغراب: هدا برك اصلا بلا ما تهدري انا مستحيل نحرمك من قرايتك
حنان ضحكت و قالت: صحيت يعيشك
أنت تقرأ
كرونيك :💕عنيد_&_عنيدة💕
Romansa#كرونيك_منقولة #بعنواان_عنيد_و_عنيدة 👍👍👍👍👍 #الحلقة1: من اكون انا فتاة رغم صغر سنها الا انها تمتلك من القوة و قسوة القلب ما لا يستطيع تحمله احد اصبح الكل يتحاشاها و يكره الجلوس معها لما تحمله من ألفاظ و بذائة لسان و لكن هناك شخص واحد فقط يتحمل...
