كرونيك :💕عنيد_&_عنيدة💕

الحلقة 135

الحلقة 135
~~~عند غلا~~~
قالما كانت الساعة 12 دخلت للسالدوبان دوشت بعد شوية خارجة لابسة حوايجها كانت لابسة سروال دجينز ليكات طويلة
لبست حوايج الصلاة صلات الظهر وراحت تفيق عزام
وقفت قدامو اول مرة ديرها وتفيقو قالت بخوف:عزام عزام
عزام فاق علا عزف صوتو على لسانها قال بنعاس: شحال الساعة
غلا:12h30 نوض تصلي
قام راح توضا وصلى غلا وجدت ساكها بقات تسنا فيه
عزام لبس حوايجو ريقل امورو وخرج لعندها لقاها قاعدة تبسم لبستها انيقة وناعمة بصح ينقصها ماكياج بعمري ماشفت فوجهها لا كحل ولا حتا 💄
قلت بتوتر: غلا عندك مكياج وبرفان
كنت حشمان كيفاش نسقسيها بصح لازم منحبش نشوفها ناقصة قدام عايلتي
غلا جايح علابالو بكلشي علاش يسقسي:نظن انو علابالك بلي مانخرجش نشري حوايج غير كي نكون معاك ونتا تعرف واش نشري وكي تزوجت مانهدروش عليه خاطرني مشريت والو مخليتليش لوقت
عزام فهمت عليها راح نشريلها كلشي تحتاجو خاطر صح حقرتها ماخليلهاش ممبا لوقت توجد روحها
خرجنا مرينا من عند خواتاتي دنيا مزالها حاسة بغلطتها كانت مهبطة راسها شحال من خطرة حاولت تطلب السماح بصح تجاهلتها
دينا ببتسامة : هاه وين رايحين نشاله
عزام ببرود: خارجين نتمشاو متحسبوش حسابنا فلغذا راح ناكلو برا
دينا: اوكي
فدار الجدة
عند نور
كي عرفت واش صرا معا شمس حست بالذنب وانها هي السبب فهدم علاقتهم
نور بترجي: شمس خلاص خليني نقولو
شمس بغضب: ماتقولي والو اصلا انا بسيف باش تهنيت منو
كانت تكدب روحها بهاد الكلام ونور تعرف بلي ماشي من قلبها راحت رفدت فهد كان راقد وقفت وقالت بحزن:ما تخليش كبريائك يهدملك حياتك معا اياد متعاوديش نفس الغلطة لي درتها معا خالد راح يجي نهار تندمي فيه كيفي
خرجت وخلات شمس مصدومة يعني نور مزالها تحب خالد وانفصالهم مأثر عليها لدرجة انها ولات متهدرش بزاف
نور وصلت لدار خالها كانت طول الطريق دموعها علا خدها
هبطت من الطنوبيل فيدها ولدها تصادفت معا خالد وباباه قدام لباب كانت تحس بنظرات خالد تبين شدة كرهو ليها
غمضت عينيها بقوة وراحت تدخل حبسها خالها: نور رواحي سلمي علا بابات ولادك
نور اه واش من ولاد يا خالي هدا واحد وقال بلي غلطة مراحش تتعاود
سلمت عليه بزربة ودخلت قبل مانسمع جوابو اذا كان راح يرد اصلا
لقيت خالتي حفصة وحنان قاعدين فصالون سلمت عليهم وقعدت بعد ما عطيت فهد لخالتي
حفصة وهي تحضن فهد كأنها تعوض ريحة خالد بولدو:يا ربي تشفي ولدي من مرضو وترجعو لعايلتو يا رب
نور مصدومة هاه خالد مريض يعني سبب اهمالو لينا هو مرضو لالا مستحيل مستحيل قالت بخوف: خالد واشبيه مريض
حنان بحزن: نور تهدني نشاله ما يكون غير لخير غير بابا اصر عليه يشوف طبيب باش يعرفو سبب الصداع القوي لي فيه والضيقة لي مخليتو يكرهنا ويكره دارنا
نور اه يكرهم هما تاني مي وعلاش قالت بثقة: سير مرتو مور لحكاية
حفصة بتأييد: اييه حتا انا هكدا قلت لخالك قالي نشوفو طبيب الا قال بلي مابيه والو راح نشوفولو راقي يقرالو والله خايفة تكون بنت لهجالة ساحراتو
~~~عند خالد~~~
راح معا باباه لطبيب وخرج كلشي مليح ملقاو حتا مرض محبش يروح معاه للدار ميقدرش يتحملهم ويقعد معاهم وهدا لي معصب باباه
دخل لدارو راح ديراكت يرقد حتا لغذا مقدرش ياكل حاس بمعدتو توجع فأي لحظة قادر يرجع
بدل حوايجو ورما روحو فسرير نص ساعة وهو يتقلب يمين يسار رفد لمخدة حطها علا راسو باش يخفف من صداعو لي راح يخرجو من عقلو حس بحاجة داخلها قعد يتلمس فيه معرفش واشنهوا قرر يخرجو ويشوف