كرونيك :💕عنيد_&_عنيدة💕

الحلقة 173

الحلقة 173
~~~عند نوور~~~
دخلت للدار كانت جاية من دار والديها
كانت رافدة فهد راقد حطاتو فسريرو لي وجدو خالد فلاشونبر لي لاصقة فشونبرتهم كان فيها لبيرو تاعو مي حولو لشومبر خرى ودارها شومبرة لولدو قريبة ليهم
نور وهيا تتبسم واش راح تكون ردة فعل كي نقولو هاد الخبر يادرا راح يفرح بيه
شافت الساعة وقالت : خلي نروح نوجد روحي نحتافلو معا بعض ونفرحو
راحت دارت دوش ترخاو عظامها لبست روب vارت عند الركبة الصدر والظهر مكشوف محكومة غير بلخيوط
سرحت شعرها دارت مكياج خفيف
وبدات توجد فالدار هوات لاشونبر فرزت لحالا شعلت الشموع طفات الضو خلات غير لي فايوز مشعلين
راحت تعلق ليزيكسسوار تاعها ترش برفانها حتا حست بنفس خالد يضرب عند وذنها قال: همممم ريحة بنينة
نحالها لبارفان من يدها ودورها لعندو عنقها بقوة وهو يشم فريحة شعرها ويديه يتحركو فرقبتها وظهرها
نور ذابت بين يديه حست انها مقيدة عن اي حركة قالت بهمس:خالد خلاص
خالد رضخ لرغبتها حبس وقال: تعرفيني منقدرش نتحكم فروحي غير نشوفك كلشي يتحرك فيا
نور تبسمت وقالت بدلال: حلالك يا عمري وانا مراحش نمنعك
خالد كسمع هاد لكلام قرب بغا يعنقها ميهيا دزاتو بلعقل وقالت بدلال وبتسامة ساحرة وهيا تشوف فعينيه المعسلة من الرغبة: مي قبل صبر نقولك حاجة مهمة
خالد بلعقل: واش كاينة حاجة مهمة كثر من اللي نبعيه دوكا وضربها لطر@@
نور قفزت وحطت يدها علا طر@:احح علااش وجعتني
خالد راح قعد فسرير وقال : ترصاي قبل ماندخل فيك وحكي راه صبري قليل
نور ماتت عليه بالضحك فتحت لخزانة جبدت صندوق صغير وقربت لعندو تضحك تتعوج وهو قريب ينقز عليها يشوف فرجليها البيضين مليانين تمشي حفيانة وفرجلها اليمنى خلخال وصباغ فرجليها نوار زادلها من جمال رجليها كان مركز معاها حتا حس بيها كي قعدتلو فحجرو فوق @@@
نور معرفتش منين طاحت عليها هاد الجرأة مي دارتها فراسها بلي راجلها حلالها بابات ولادها راح تتحكم فيه مستحيل تزيد تخلي فرصة لي تسوا ولي متسواش تقرب ليه
مدات لو الصندوق وهيا مركزة معاه
خالد بتعجب: وشنو هذا!!
نقولكم الصراحة خفت يكون عيد زواجنا وانا نسيتو مي تفكرت لادات ماشي ليوم لانيف تاعها نو تاعي نوو واشنو ايمالا
نور: افتحو وراح تشوف
فتحو بلعقل وتصدم ملي شافو رفد راسو يشوف فيها يأكد شكوكو
كان داخلو اوراق التحليل جوارب صغار ودبدوب صغير
نور تبسمت وهي تاور براسها بتأييد وتشوف فكرشها
خالد رما هداك الصندوق وبدا يتلمس كرشها : يعني اونسانت
نور : ايه ايه اونسانت راح نزيدو واحد
خالد مزالو تحت تاثير الصدمة محس بروحو غير معنقها بقوة دخلها بين ظلوعو طاير بلفرحة سيرتو كي عبرت علا فرحتها معاه عكس الحمل الاول كانت لي بروبلام تاعهم صادة طريقهم