كرونيك :💕عنيد_&_عنيدة💕

الحلقة 130

الحلقة 130
~~~عند غلا~~~
الساعة2h تاع الليل
كانت خايفة عليه زوج سوايع وهو برا ماعيطلهاش ممبا يطمنها ماعرفتش واش دير خايفة تخبر عايلتو يحملوها الذنب اصلا معندهاش نومرو تاعو طول النهار معاه علابيها مادققش فالامر
حست بلجوع ياكل معدتها خاطرها ماهبططتش تتعشا بعد اللي صرا
قررت تهبط للكوزينة دير كاش حاجة تاكلها دخلت وتصدمت من دنيا لي قاعدة تاكل ههه واقيلا العائلة الكريمة كامل رقدو بلا عشا رديت عليها السلام بلا مانخزر فيها تعديتها فتحت لفريجيدار مزلت مغششة منها كيفاش تسب خوها هكدا
دنيا 😐😐😐 تمنين لرض تنشق وتبلعني ماقدرتش نحط عيني فعينها رغم اني كبيرة عليها بعامين مي هي ناضجة وعقلها كبير ماشي كيفي طايرة ومتهورة فكلشي
بعد وقت نطقت: تتوقعي نقدر نصلح لي تكسر بيني وبين قالتها بغصة عززاام
غلا نعرف بلي دنيا طيبة وحنونة مي ملي جيت وانا نكره فيها حاجة لي هي تشمتها بخوها تبينلو نورمال بلي ماتحبوش حتا قدامي ماتحترمنيش كمرتو تهدر عليه عادي
غلا افف واشصرالك نتي تعلقتي بيه وهو معلابالوش بيك خلاك وحدك فدار وراح لخراه قلت ببرودة: ماعرفتش وحاولي متعاوديش تقوليلو لكلام لي قلتيه ليوم
كنت نهدر معاها بجفاف حتا طرشقت تبكي بشهقة رحت قفلت لباب خفت تقوم يماها والله غير تذبحني ديجا هي متحملنيش تكره وجودي معاهم
جيت قعدت قدامها وانا نحط سندويش فوق الطابلة مكتبليش ناكل ليوم قلت بحزن: دنيا خلاص ماتمرضينيش ببكاك منتحملش
دنيا تشهق: والله ما كنت قاصدة ككنت ن
غلا سكتتها بتعنيقها وقالت: نعرف وراسك غير نعرف بصح اللي نطلبو منك انك تحاولي تتقربي من عزام طلبي منو السماح راهو خوك حنين يحبكم والله
دنيا: اااا اهئ اهئ اهئ😭😭😭 كيفاش يسمحلي وانا علابالي كون نبوسلو رجليه مستحيل يسامح خويا ونعرفو طول عمرو بارد معانا جامي بين حبو وحنانتو ديما يزرع الخوف فينا
غلا اييه علابالي وللاسف والديك هم السبب فتكوين هاد الشخصية فيه قلت بضيق: حاولي معاك ماعندك ما تخسري راهو خوك
بعدتها عليا وقلت:والله غير ميتة بلجوع واقيلا مكتبلي ليوم نموت بلجوع
دخلت فسوندويتش ناكل بشراسة ودنيا تضحك عليا
كنت ناكل وفداخلي حزن نخمم علا عزام وين راح بغيتو يرجع لعندي مالغري عصبي وبارد نظن خلاص حبيت فيه هاد الطبع
دخل عزام بعد ما صلى لفجر ستغرب كي ماقاهاش فدار تجاهل الامر توقع تكون راقدة معا خواتو يعرفها تخاف تقعد وحدها فدار
حط مفاتحو و les billets لي حكمهملو صاحبو بواش يرجعو لبلادهم عزام عندو نفوذ فكلشي علابيها الشي لي يطلبو ماياخدش بزاف وقت ويكون بين يديه
رفد فوطة ودخل لسالدوبان
غلا كانت معا دنيا تعلمها كيفاش تمشي التلفون
دنيا: غلا وين حبستي قرايتك
غلا بخجل: العام لول كي دخلت الليسي
دنيا: مي علااش ماكنتيش تحبي القراية ولا ماعندكش طموح فيها
غلا لا والله غير نحبها بصح الله غالب هادا ما تكتبلي: الاا كنت نحبها تي كنت الاولى فيها بصح بابا كبر مكانش شكون يقوم بيه فقررت نخرج نتهلا بيه هو اولى
دنيا:ممم هيه قوليلي كون كملتي واش راح يكون تخصصك فلافاك
غلا عجبها هاد الشعور تمنات لوكان صح قالت بدون وعي: طبيبة
حبت هاد الشي خاطر عزام لقبها بيه
فاقت علا دنيا لي تضحك: ههههه مليحة تي طلبي حاجة خفيفة استاذة مديرة هههه دخلتي بيها ديراكت طبيبة تخرج عليك والله انا نكره الطبيب لوكان جيتي طبيبة والله ما نقرب لعندك نعافهم ههههه
غلا بتنرفيز وهي تضرب فيها: بقرة وجه الحلوف الحق عليا لي نحكي معاك ونتي تم@@ بيا رفدت تلفونها وراحت تصلي وترقد