كرونيك :💕عنيد_&_عنيدة💕

الحلقة5

الحلقة5
~~~~في غرفة شمس~~~~
كانت تحوس فالدريسينغ تاعها على حاجة تلبسها و تشوف في خاوتها لي قلبولها لاشونبر كامل
قالت بغضب:هاي هااي بعدو على دوزان نتاعي دوك نكرفص جدكم هنا
جاد بحزن:شمس علاش متجيش لعندنا رانا نتوحشوك
شمس كملت لبستها كانت لابسة شورط قصير دجين و بودي بلون لارج لبست كلاكاتها قالت بغضب وهي تجمع شعرها:سقسي ماماك تريبونديلك هي اللي حاوزتني
رشت من لبارفان تاعها و كملت تهدر: يالاه نخرجو بابا راه يستنى خرجت و خرج مراها جاد
راحت قعدت قدام باباها لي عانقها بذراعه و هي مركزة مع نظرات خالها و مانها
تحس بلي مانها فرحانة بيها عكس خالها كانت ماتحبوش توجور يعيط عليها و يبهدلها و يضربها ع.النور بحب:هاه يا بابا كيفاش مع القراية علابالك السنة الباك لازم تزيري روحك
شمس و هي دور فعيونها:لاباس لاباس
شافت نظرات جمال للي هدر باستهزاء:ياخي بنتك وجه قراية و الباك تجيبو باللسان اللي عندها ها هي وجه المصايب برك نقولك وشنو الحل زوجها تستعقل
الجدة بغضب: جماال وش هاد الهدرة الزايدة😠قاطعتها شمس للي ناضت من بلاصتها و قالت :خليك منو ماني راني شايفة بلي راك حافظ كاش كلمات علمتهوملك مرتك و جاي تبرح بيهم هنا
باباها بغضب: شمس عيب وشنو هدا
شمس بصراخ :اهدر مع لي ميعرفش العيب ما حست الا بكف دورلها وجها من عند جمال
كملت تهدر: ضربتني معليش و الله ما ننساهالك و راه تخلصها غالية من عند شمس و راحت تجري لاشنبر تاعها تخفي دموعها للي لحد ليوم حتى واحد ما شافهم
جمال مسك يدو لي ولات حمرة من الضربة و قعد يتنهد
الجدة:😣 يعني نتا كل ما تجي لازم تتهاوش معاها
جمال بنرفزة:يعني ما سمعتيهاش واش كانت تهدر هاد الطفلة ماشي متربية
نسا وجود بوها فجأة دور راسه لعنده شافه قاعد و يضغط على يده بقوة و ولادو ميتيين بلخوف قال: يا عبد النور يا خويا سمحلي و الله غير شمس نحسبها كي ب..
قاطعو ع.النور:مسامحك و كثر خيرك و خزر في ولاده و قال:جاد جمع خاوتك و ستناني برا