كرونيك :💕عنيد_&_عنيدة💕

الحلقة23

الحلقة23
~~~عند إياد~~~~
كان مصر باش يرجع تخنق من القعدة تما قال : علياء شوفي فيا انا مقصرتش معاك و درتلك خاطرك و جيت قعدت معاكم 15 يوم تكفي لازم نرجع عندي خدمة لازم نفريها
علياء : واش من خدمة و انت ديت شهر كونجي
إياد يتبسم: هديك الخدمة خاصة
علياء بدهشة:هااه كاش حاجة مخبرتنيش بيها ها باينة شي وحدة فلحكاية
إياد قرب لعندها يضحك سلم عليها رفد لافاليز تاعو:كي تولي من البلاد نحكيلك و دوكا نخليك باي تهلاي فروحك
مشا ديراكت و هي تعيط من وراه:اياد ارجع حكيلي دوك منقدرش نصبر شهر كامل
~~~~عند شمس~~~~
كانت رايحة عند حنان تحضر لحفلة لدوها اهلها بمناسبة نجاحها
الحفلة كانت برك للبنات علابيها لبست روب قصييرة فالدوري و معرية فالظهر دارت شعرها بابيليز وتاج صغير يلمع في شعرها لبست طالون و هي خايفة تطيح prsq مهيش مولفة تمشي بيه كانت متعودة على الكونفارس و لكلاكات برك دارتها الحفافة مكياج جريئ برزتلها زينها و ركزت على عيونها الكبار
حنان كانت قمر بروبتها الغوج الطويلة محلولة فالفخذ و عندها فونط كانت حابة تلبس وحدة معدية فالظهر بصح خافت من خاوتها ياكلوها و ايهاب على سبة دارت كوااف تفتق خرجت عليها كي عاد شعرها طويل ماكياج جريئ اعظم من لي دارتو شمس
نور كانت واكلة روحها ما خلات شي و مادارتوش بما انها حفلة اخت حبيب القلب لازم تخرج تقتق و الاصح انها طلعت اقل ما يقال عنها قنبلة كانت لابسة روب روج قصيرة مطرزة بنوار تتربط بخيوط للعنق و الغوج خرج على بشرتها البيضة خصوصا بمكياجها و لكواف لي دارتها لشعرها الاسود
~~~عند شمس~~~
حست بالعطش راحت للكوزينة تشرب و طلبت من الخدامة تعطيلها الكاس بصح هي ما تجاهلتها و كملت تطيب فالقهوة
شمس تعيط: هها نتي واقيلا مسمعتيش وش قوتلك هاتي لكاس لا نعطيك كف نعوجلك وجهك
ما حست الا و صوت يهدر من وراها
ايهاب بقرف: جربي قربي منها و تشوفي واش ندير فيك
ايهاب كان جاي يدي القهوة لولاد عمو لي جاو و قعدو برا انصدم من جمال شمس بقا حال فمو فيها مخممش اصلا تخرج بهاد لجمال يعني هو ما ينكرش انها قنبلة متاع الزين حتى بلا ما تسقم روحها بصح مكانش يعتارف جملة و انقهر من انو كل هاد الزين كسباتو هاد المتشردة لي ما عندهاش علاقة بالتربية